2020 ලෝක විවාහක රූ රැජිණ ලෙසින් තේරී පත්වුණු ශ්රී ලංකාවේ කැරොලයින් ජූරි සිය කිරුළ අත් හැරීම මේ වනවිට ලෝක විවාහක රූ රැජිණ සංවිධායක මණ්ඩලය පිළිගෙන තිබෙනවා. ඒ අනුව එම තරඟාවලියේ දෙවන ස්ථානය දිනාගත් අයර්ලන්ත රූ රැජිණ වෙත කිරුළ හිමි වුණා . මේ පිළිබඳව ඔවුන් දැන්වූ පසු කැරොලයින් ජූරි විසින් ලෝක රූ රැජිණ සංවිධායක මණ්ඩලය වෙත ලිපියක් යවා තිබෙනවා.
එහිදී ඇය සඳහන් කරන්නේ, 2020 ලෝක විවාහක රූ රැජින කිරුළ දරණ කාලයේ දී කාන්තාවන්ගේ සහ දරුවන්ගේ ජීවිත ඔසවා තැබීමට කටයුතු කිරීමට ලැබීම තමා ලද භාග්යක් බවත්, තමන් සැමවිටම සමාන සහ සාධාරණ අවස්ථාවන් පෙනී සිටීම විශ්වාස කරන බවයි. එමෙන්ම අසාධාරණකම් පිළිබඳව ඉව වැටුණු විගසම ඒ පිළිබඳව ප්රශ්න කළ බවත් තමා පෙනී සිටියේ කිසිඳු අසාධාරණයකින් හෝ අයුතු බලපෑමකින් තොරව තමාට සමාන සහ සාධාරණ ලෙස සලකනු ඇතැයි බලාපොරෝත්තුවෙන් ආ සියළුම තරඟකාරිනියන් වෙනුවෙන් බවත් ඇය සිය ලිපියේ සඳහන් කර තිබෙනවා. එම අසාධාරණයට පෙනී සිටීම පිළිබඳව තමන් ආඩම්බර වන අතර අයුතු, අසාධාරණ සහ අයුක්ති සහගත වටපිටාවක, ලෝක විවාහක රූ රැජිණ කිරුළ හිස පැළඳීම එම කිරුළේ අරමුණ සහ සියළු කාන්තාවන්ගේ අයිතිය පාවාදීමක් බවද ඇය සඳහන් කරයි.
එමෙන්ම පසුගිය වසරවලදී තමාට ලබා දුන් සහයෝගයට ස්තූතිවන්ත වන අතර තමා සහ ලෝක රූ රැජින තරඟාලියේ සංවිධායක මණ්ඩලය සමග ගිවිසුම් ගත අවබෝධතා ගිවිසුම මෙයින් අවසන් කරන බවද ඇය පවසා තිබෙනවා. තවද ලිපිය අවසන් කරමින් ඇය ඉල්ලා සිටින්නේ මේ වසරේ ලෝක විවාහක රූ රැජිණ තේරීමේ තරඟාවලිය සැලසුම් කළ පරිදිම ශ්රීලංකාවේ පවත්වන ලෙසයි.
එහි සිංහල පිටපත පහතින්
උන්ට පිස්සු