එළඹෙන මහ කන්නයේ වගාකරන වී වලින් 20%ක් කීරි සම්බා සහ 10%ක් සම්බා වගා කළ යුතුම බව වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන අමාත්ය වසන්ත සමරසිංහ පවසනවා.
කහටගස්දිගිලිය ප්රාදේශීය ලේකම් කොට්ඨාසයට අයත් බේත්කෑව වැව ප්රතිසංස්කරණය කිරීමේ ව්යාපෘතිය ආරම්භ කිරීම සඳහා අද (18) දිනයේ එක්වෙමින් අමාත්යවරයා මේ බව සඳහන් කළා.
කීරි සම්බා සහ සම්බා සහල් සඳහා රට තුළ පවතින අධික ඉල්ලුම සපුරාලීම වෙනුවෙන් මෙම පියවර ගත යුතු බවයි අමාත්ය වසන්ත සමරසිංහ පැවසුවේ.
මේ වනවිට කීරි සම්බා සඳහා 15%ක පමණ ඉල්ලුමක් වෙළඳපොළේ පවතින බව සඳහන් කළ අමාත්යවරයා, කීරි සම්බා සහ සම්බා සහල් වර්ග දෙකම රට තුළ වගා කරන්නේ 15%ක් පමණ බවයි සඳහන් කළේ.
ඒ, අනුව කීරි සම්බා සහල් සඳහා පවතින අධික ඉල්ලුමට පිලියමක් ලෙස පසුගිය අප්රේල් මාසයේ දී කීරි සම්බා සහල්වලට ආදේශක සහල් විදෙස් රටවලින් ආනයනය කිරීමට කටයුතු කළ බව අමාත්යවරයා පැවසුවා.
