ඉදිරියේදී ඇතිවිය හැකි එල්-නිනෝ දේශගුණික තත්ත්වය සම්බන්ධයෙන් ගොවි ජනතාව අනවශ්ය ලෙස බියට පත් නොවී විද්යාත්මක දත්ත සහ අදාළ ආයතනවල නිල උපදෙස් මත පදනම්ව කෘෂිකාර්මික තීරණ ගැනීම වැදගත් බව කෘෂිකර්ම දෙපාර්තමේන්තුවේ අධ්යක්ෂ ජනරාල් ආචාර්ය තුෂාර වික්රමාරච්චි පවසනවා.
ඔහු මේ බව සඳහන් කළේ, අද (23) රජයේ ප්රවෘත්ති දෙපාර්තමේන්තුවේ පැවති එල් නිනෝ තත්ත්වය සහ එහි ශ්රී ලංකාවට ඇති විය හැකි බලපෑම් පිළිබඳ විශේෂ මාධ්ය හමුවට එක්වෙමිනි.
මේ වන විට දිවයිනේ බොහෝ ප්රදේශවල යල කන්නයේ අස්වැන්න නෙළීම අවසන් වී හෝ අවසන් අදියරේ පවතින බැවින් එල් නිනෝ තත්ත්වය පිළිබඳ අනවශ්ය බියක් ඇති කර ගත යුතු නොවන බවයි අධ්යක්ෂ ජනරාල්වරයා පවසන්නේ.
යල කන්නයේ වර්ෂාපතනයේ යම් අඩුවීමක් සහ උෂ්ණත්වය ඉහළ යාමක් පුරෝකථනය කර ඇති බවට පෙන්වා දුන් කෘෂිකර්ම දෙපාර්තමේන්තුවේ අධ්යක්ෂ ජනරාල්වරයා වැඩිදුරටත් කියා සිටියේ, දැනට පවතින වාරි ජලය කාර්යක්ෂමව භාවිත කරමින් වගා කටයුතු සැලසුම් කළ යුතු බවයි.
