ගෝලීය මත්ද්‍රව්‍ය ආශ්‍රිත කරුණු සඳහා මූලික ප්‍රතිපත්ති සම්පාදන ආයතනය වන මත්ද්‍රව්‍ය පිළිබඳ එක්සත් ජාතීන්ගේ කොමිසමේ (CND) 68 වැනි සැසිවාරයේ සභාපතිත්වය ඉන්දියාවට හිමිව තිබෙනවා.
සැසිවාරය වියානා හි දී මාර්තු 10 සිට මාර්තු 14 දක්වා පැවැත්වෙනවා.
මත්ද්‍රව්‍ය පාලනය පිළිබඳ ගෝලීය ප්‍රතිපත්ති සම්පාදනය තුළ එහි බලපෑම ශක්තිමත් කරමින් දශක දෙකකට පසු ඉන්දියාව නැවත සභාපතීත්වයට පත්ව තිබෙනවා.
මෙම සැසිවාරය සඳහා රටවල් 150කට අධික සංඛ්‍යාවකින් නියෝජිතයින් 2,000ක් පමණ සහභාගී වී සිටිනවා.
ජාත්‍යන්තර සහයෝගීතාව සහ සාක්ෂි පදනම් කරගත් උපාය මාර්ග අවධාරණය කරමින්, නීතිවිරෝධී මත්ද්‍රව්‍ය ජාවාරමට එරෙහිව සටන් කිරීම, මත්ද්‍රව්‍ය අනිසි භාවිතය වැළැක්වීම සහ එහි සමාජ-ආර්ථික බලපෑම් ආමන්ත්‍රණය කිරීම පිළිබඳ සාකච්ඡා මෙහෙයවීම ඉන්දියාව බලාපොරොත්තු වනවා.
