එක්දින ලෝක කුසලාන අවසන් මහා තරගයට මෝදි, මෝදි ක්‍රීඩාංගණයට

ලබන ඉරිදා ඉන්දියාවේ අහමදාබාද් හිදී පැවැත්වෙන ලෝක කුසලාන අවසන් මහා තරගය නැරඹීමට සහභාගී වන බවට තොරතුරු වාර්තා වනවා.

තරගවලියේ ප්‍රධාන ආරාධිතයා වශයෙන් ඉන්දීය අග්‍රාමාත්‍යවරයා මෙලෙස සහභාගී වීමට නියමිත බවයි විදෙස් මාධ්‍ය තොරතුරු වාර්තා කර තිබුණේ.

මේ අතර ජනප්‍රිය පොප් ගායිකාවක් වන ඩූආ ලිපා, මෙවර ලෝක කුසලානයේ සමාප්ති උත්සවයයේ දී ගීතවත් වීමට නියමිත බවට ද තොරතුරු වාර්තා වනවා.

එමෙන්ම ඉන්දීය ගුවන් හමුදාව නිවේදනය කළේ අවසන් මහා තරගය ආරම්භයට පෙර ගුවන් හමුදාවේ ‘සූර්ය කිරන්’ කණ්ඩායම ගුවන් සංදර්ශනයක් ද පැවැත්වීමට නියමිත බවයි.

මාස එක හමාරකට ආසන්න කාලයක් පැවති එක්දින ලෝක කුසලාන තරගාවලියේ සමාරම්භය වෙනුවෙන් උත්සවයක් ද නොපැවැත් වූ පසුබිමක තරගාවලියේ සමාප්තිය වෙනුවෙන් සුවිශේෂී වූ උත්සවයක් පැවැත්වෙනු ඇති බවයි විදෙස් මාධ්‍ය මතපළ කරන්නේ.

සත්කාරක ඉන්දියාව සහ ඕස්ට්‍රේලියාව අතර අහමදාබාද් හී නරේන්ද්‍ර මෝදි ක්‍රිකට් ක්‍රීඩාංගණයේ දී මෙවර අවසන් මහා තරගය පැවැත්වෙන අතර, ඉන්දියාව සහ ඕස්ට්‍රේලියාව එක්දින ලෝක කුසලාන තරගාවලියක අවසන් මහා තරගයක් සඳහා සුදුකම් ලබා ඇත්තේ වසට විස්සකට පසුවයි.