එක්දින තරගාවලි ජයක් සොයා එංගලන්ත – කොදෙව් කණ්ඩායම් හෙට පිටියට

සංචාරක එංගලන්ත කණ්ඩායම සහ බටහිර ඉන්දීය කොදෙව්වන් අතර පැවැත්වෙන තුන්වැනි සහ අවසන් එක්දින තරගය හෙට (06) පැවැත්වෙනවා.

මෙම තරගය එරට වේලාවෙන් හෙට රාත්‍රී 11.30ට බ්‍රිජ්ටවුන් හි දී පැවැත්වෙනු ඇති.

මේ වනවිට පැවති තරග දෙක දෙපිළම තරග 1-1ක් ලෙස ජයගෙන සම තත්ත්වයේ පසුවනවා.

එබැවින් හෙට පැවැත්වෙන එක්දින තරගය ජය ගැනීම දෙපිළටම තීරණාත්මක වනු ඇති.

දෙපිළ අතර මේ වනවිට එක්දින තරග 107ක් පවත්වා ඇති අතර එහි වැඩි තරග සංඛ්‍යාවක් (54) ජයගෙන ඇත්තේ එංගලන්තයයි.

කොදෙව්වන් ජයගෙන ඇත්තේ එක්දින තරග 47ක් පමණයි.

එංගලන්තය සිය මව්බිමෙන් පිටත දී කොදෙව්වන්ට එරෙහිව තරග 19ක් ජයගෙන තිබෙනවා.

කොදෙව්වන් සිය මව්බිමේ දී එංගලන්තය 26ක් වතාවක් පරාජයට පත් කර තිබෙන අතර එංගලන්තය තම මව්බිමේ දී කොදෙව්වන් 23 වතාවක් දණ ගස්වා තිබෙනවා.

එබැවින් හෙට තරගය දෙපිළටම අතිශය තීරණාත්මක වනු ඇති.