එංගලන්ත සුදු පන්දුවේ ප්‍රධාන පුහුණුකාරීත්වයට බ්‍රෙන්ඩන් මැකලම්

එංගලන්ත එක්දින ක්‍රිකට් තරග ආකෘතියේ සහ පන්දුවාර 20 තරග රටාවේ ප්‍රධාන පුහුණුකාරී ධුරයට නවසීලන්තයේ හිටපු ක්‍රීඩක මෙන් ම කඩුලු රකින්නෙකු වන බ්‍රෙන්ඩන් මැකලම්ව (Brendon McCullum) පත් කර තිබෙනවා.

එංගලන්ත ක්‍රිකට් පරිපාලනය අද (03) දිනයේ දී මෙම නිවේදනය නිල වශයෙන් සිදු කරනු ලැබුණා.

මේ වනවිට එංගලන්ත ටෙස්ට් තරග ආකෘතියේ ද පුහුණුකාරීත්වය දරන්නේ මැකලම් විසින්.

බ්‍රෙන්ඩන් මැකලම් තුන් වසරක කාලයක් සඳහා එංගලන්තය සමග ගිවිසුම්ගත වී තිබෙනවා.

2027 ඔක්තෝම්බර් මාසයේ දී දකුණු අප්‍රිකාවේ පැවැත්වෙන එක්දින ලෝක කුසලානය සඳහා පූර්ව සූදානමක් ලෙසයි මැකලම්ව නම්කර ඇත්තේ.

එමෙන්ම එම වසර මුල දී ඔස්ට්‍රෙලියාවට එරෙහිව පැවැත්වෙන අළු බඳුන ටෙස්ට් තරගාවලිය ද බ්‍රෙන්ඩන් මැකලම් පත් කිරීමේ තීන්දුවට බලපෑම් කර තිබෙනවා.

මෙම සියලුම තරග සඳහා එංගලන්ත කණ්ඩායම සූදානම් කිරීමේ අරමුණ ඇතිවයි මැකලම් මෙම තනතුර භාරගෙන ඇත්තේ.