අම්පාර – උහන ප්රාදේශීය ලේකම් කොට්ඨාසයේ සේනාගම ගම්මානයට එල්ල වී ඇති වනඅලි තර්ජනය දිනෙන් දින ඉහළ ගොස් ඇති බවට ප්රදේශවාසීන් චෝදනා කරනවා.
අද (19) අලුයම දී ද මෙම ගම්මානයට වනඅලි කඩා වැදී විශාල දේපොළ හානි සිදු කර ඇති බවටයි වාර්තා වන්නේ.
මෙම ගම්මානයේ නිවාස 10ක් පමණ වනඅලීන් විසින් පහර දී කඩා බිඳ දමා තිබෙනවා.
වගා කටයුතු සිදු කරමින් ජීවත් වන ගම්වැසියන්ගේ නිවෙස් තුළ ගබඩා කර ඇති වී තොග ආහාරයට ගැනීම සඳහා වනඅලීන් මෙලෙස නිවාස වෙත පැමිණෙන බවටයි ප්රදේශවාසීන් පවසන්නේ.
පස්වරු 05 -06 පමණ වන විට වනඅලීන් ගම් වදින බවත්; කිසිදු බලධාරියෙකු නිසි ක්රියාමාර්ගයක් මෙම ගැටලුව වෙනුවෙන් මෙතෙක් ගෙන නොමැති බවත්; සති දෙකක් තුළ නිවාස 10කට අධික ප්රමාණයක් වන අලීන්ගේ ප්රහාරයන්ට ලක් ව ඇති බවත් ප්රදේශවාසීන් පවසනවා.
ඔබේ ප්රතිචාරය කුමක්ද ?
+1
+1
+1
+1
+1
2
+1
+1
