ඊයේ (29) දින ගලගෙදර අධිකරණයට ඉදිරිපත් කළ පුද්ගලයෙකු අධිකරණ ශාලාවේ නඩුවක් විභාග වෙමින් තිබියදී එහි දර්ශන තම ජංගම දුරකථනයෙන් වීඩියෝ ගත කළ බව කියන සිද්ධියක් සම්බන්ධයෙන් අධිකරණ පොලීසිය ඔහු අත්අඩංගුවට ගෙන තිබෙනවා.
මෙම සැකකරු රථ වාහන නඩුවක් සම්බන්ධයෙන් පූජාපිටිය පොලීසිය විසින් අත්අඩංගුවට ගෙන ගලගෙදර අධිකරණයට ඉදිරිපත් කල අවස්ථාවේ එම සිදුවීම වූ බව සදහන්.
කුරුණෑගල, පානගමුව ප්රදේශයේ පදිංචි මොහොම්මදු මුස්තාෆා රාම්සික් නැමැති මෙම සැකකරු ගලගෙදර මහේස්ත්රාත්වරයා හමුවට ඉදිරිපත් කිරීමෙන් පසු රුපියල් 2000ක දඩ මුදල් සහ රුපියල් ලක්ෂයක ශරීර ඇපයක් මත දැඩි අවවාද කොට මුදා හැර තිබෙනවා.
ඔහුගේ ජංගම දුරකථනය අධිකරණ භාරයට ගෙන එහි වීඩියෝ දර්ශන සම්බන්ධයෙන් විශ්ලේෂණ වාර්තාවක් කැඳවීමට මහේස්ත්රාත්වරයා දැනුම් දුන් අතර සැකකරුට යළි මාර්තු මස 04 වනදා අධිකරණයේ පෙනී සිටින ලෙස නියෝග කළා.
සිද්ධිය සම්බන්ධයෙන් ගලගෙදර පොලීසිය වැඩිදුර පරීක්ෂණ පවත්වනු ලබනවා.
