මෙවර අධ්යයන පොදු සහතික පත්ර උසස් පෙළ විභාගයෙන් විශිෂ්ට ප්රතිඵල ලබාගත් සිසු සිසුවියන් ඇගයීමේ වැඩසටහනක් අද (10) පැවැත්වුණා.
ඒ අධ්යාපන අමාත්ය ආචාර්ය සුසිල් ප්රේම්ජයන්ත්ගේ ප්රධානත්වයෙන් අධ්යාපන අමාත්යාංශයේ දී යි.
මෙම ඇගයීම් උත්සවයේ දී ජෛව විද්යා විෂයය ධාරාවෙන් දිවයිනේ ප්රථම ස්ථානය ලබාගත් ගාල්ල සංඝමිත්තා විද්යාලයේ පහන්මා උපානි ලෙනෝරා, භෞතික විද්යා විෂය ධාරාවෙන් ප්රථම ස්ථානය ලබාගත් කොළඹ ආනන්ද විද්යාලයේ චිරත් නිරෝධ, වාණිජ විෂය ධාරාවෙන් ප්රථමයා වූ පානදුර බාලිකා විද්යාලයේ ශෙහාරා සිතුමිනි, කලා විෂය ධාරාවෙන් ප්රථමයා වූ ගාල්ල රිච්මන්ඩ් විද්යාලයේ ටසුන් රිත්මික විතානගේ, ඉංජිනේරු තාක්ෂණවේද විෂය ධාරාවෙන් දිවයිනේ ප්රථම ස්ථානය ලබාගත් ගිනිගත්හේන මධ්ය මහා විද්යාලයෙන් ශෙහානි නවෝද්යා, ජෛව පද්ධති තාක්ෂණවේදය විෂය ධාරාවෙන් දිවයිනේ ප්රථම ස්ථානය ලබාගත් ඇහැලියගොඩ මධ්ය මහා විද්යාලයෙන් කිරුලු සිහිල්දිය අධ්යාපන අමාත්යවරයා අතින් ඇගයීමට ලක් කෙරුණා.
ඇගයීම් උත්සවයෙන් අනතුරුව මෙම සිසු දරු දැරියන් අධ්යාපන අමාත්යවරයා සමග සෙල්ෆි ඡායාරූපයකට ද පෙනී සිටි බවයි අධ්යාපන අමාත්යාංශය නිකුත් කළ නිවේදනයේ දැක්වෙන්නේ.
