මෙවර උසස් පෙළ විභාගය වෙනුවෙන් විශේෂ විභාග මධ්යස්ථාන හතරක් ස්ථාපිත කර ඇති බව විභාග කොමසාරිස් ජනරාල් අමිත් ජයසුන්දර මහතා පවසනවා.
බන්ධනාගාර රැඳවියන් වෙනුවෙන් කොළඹ මැගසින් බන්ධනාගාරයේත්, විශේෂ අවශ්යතා ඇති විභාග අපේක්ෂකයන් සඳහා රත්මලාන සහ තංගල්ලේත්, මහරගම අපේක්ෂා රෝහලේ ප්රතිකාර ලබන දරුවන් වෙනුවෙන් එම රෝහලේ ද, විභාග මධ්යස්ථාන ස්ථාපිත කර ඇති බවයි විභාග කොමසාරිස්වරයා කියාසිටියේ.
එම මධ්යස්ථාන හතරත් සමගින් මෙවර විභාගය මධ්යස්ථාන 2200ක පැවැත්වෙන බව අමිත් ජයසුන්දර මහතා ප්රකාශ කළා.
මෙවර විභාගය සඳහා පාසල් අපේක්ෂකයන් 278,196ක් සහ පෞද්ගලික අපේක්ෂකයන් 53,513ක් සමඟ සමස්ත අපේක්ෂකයන් 331,709ක් සහභාගි වීමට නියමිත බව විභාග කොමසාරිස් ජනරාල්වරයා අද පවතී මාධ්ය හමුවකදී කියාසිටියා.
එමෙන්ම විභාගය සම්බන්ධීකරණ මධ්යස්ථාන 317ක් මගින් ක්රියාත්මක වන බව ද ඔහු ප්රකාශ කළා.
මෙවර උසස් පෙළ විභාගය ලබන 23 වැනිදා සිට පෙරවාරි මස 17 වැනිදා දක්වා දින පැවැත්වීමට නියමිතයි.
