ශ්රී ලංකා ක්රිකට් තේරීම් කමිටු සභාපති උපුල් තරංග අත්අඩංගුවට ගෙන අධිකරණයට ඉදිරිපත් කරන ලෙස අධිකරණය අද (08) වරෙන්තු නිකුත් කර තිබෙනවා.
තරග පාවාදීමේ සිද්ධියක් සම්බන්ධයෙන් සාක්ෂි ලබාදීම සඳහා අධිකරණයේ පෙනී නොසිටීමේ හේතුවෙන් මාතලේ මහාධිකරණය ඔහුට එරෙහිව මෙලෙස වරෙන්තු නිකුත් කර ඇති බවයි වාර්තා වන්නේ.
පල්ලෙකැලේ ක්රිඩාංගණයේ දී පැවති ලෙජන්ඩ් ට්රෝෆි 2024 ක්රිකට් තරගාවලියේ දී මුදලට තරග පාවාදීම සඳහා බලපෑම් කළ බවට ඔහු විසින් කළ පැමිණිල්ලකට අනුව ගොනු කළ නඩුව මහාධිකරණ විනිසුරුවරයා ඉදිරියේ කැඳ වූ අවස්ථාවේ දී මෙම නියෝගය නිකුත් කරනු ලැබුවා.
උපුල් තරංග මේ වනවිට අමෙරිකානු නැෂනල් ලීග් T10 තරගාවලිය සඳහා අමෙරිකාවට ගොස් සිටිනවා.
ඔහු එම තරගාවලියේ දී නිව් යෝර්ක් ලයන්ස් කණ්ඩායමට ක්රීඩා කරනවා.
