තම 45 වන උපන්දිනය දා වයෝවෘද්ධ පියාට මරණය තෑගි කළ පුතෙක් පිළිබඳව පුවතක් අකුරැස්ස, පරදූව ප්රදේශයන් වාර්තා වනවා.
පුත්රයා විසින් සිදුකළ පහරදීමකින් මෙලෙස ඝාතනයට ලක්ව ඇත්තේ 81 වන වියේ පසු වූ පුද්ගලයෙක්.
අධික ලෙස මත්පැන් පානයට හුරුව සිටි පුත්රයා, තම 45 වන උපන්දිනය යෙදී තිබූ පෙරේදා (10) දිනයේ මෙම ඝාතනය සිදුකර ඇති බවයි තොරතුරු වාර්තා වන්නේ.
මාතර මහ රෝහලේ අධිකරණ වෛද්ය නිළධාරිවරයා මෘත දේහය සම්බන්ධයෙන් සිදුකළ පස්චාත් මරණ පරීක්ෂණයේ දී අනාවරණය වී ඇත්තේ, පපු ප්රදේශයට හා උදර ප්රදේශයට පහර දී සිදුකළ බරපතළ තුවාල හේතුවෙන් මෙම මරණය සිදුව ඇති බවයි.
ඝාතනය සිදුකළ බව කියන ලොකු රුවන් නැමැති සැකකාර පුත්රයා අකුරැස්ස පොලිසිය විසින් අත්අඩංගුවට ගෙන මාතර ප්රධාන මහේස්ත්රාත්වරයා හමුවට ඉදිරිපත් කිරීමෙන් අනතුරුව ලබන 22 දක්වා රක්ෂිත බන්ධනාගාර ගතකර තිබෙනවා.
