උදය ගම්මන්පිල මහතා සහ විමල් වීරවිංශ මහතා ඔවුන් දරමින් සිටි අමාත්‍ය ධුරවලින් නෙරපා හැරීමට ජනාධිපති ගෝඨාභය රාජපක්ෂ මහතා අද (03) පියවර ගත්තේය.
ඒ අද පස්වරුවේ සිදුකළ හදිසි කැබිනට් සංශෝධනයක් මගිනි.
ඒ අනුව උදය ගම්මන්පිල මහතා අද රාත්‍රියේ බලශක්ති අමාත්‍යංශය වෙත පැමිණ සිය බඩු බාහිරාදිය රැගෙන ඉන් පිටව ගියේය.
එහිදී මාධ්‍ය වෙත අදහස් දැක්වූ උදය ගම්මන්පිල මහතා,
“උදේ ඇමති හවස නොමැති. ඇමති ධූර නිත්‍ය නෑ. ඒ නිසා අනිත්‍ය ඇමති ධූරය වෙනුවෙන් මගේ හෘද සාක්ෂිය සඟවා තබාගන්න බෑ. ඇත්තට බයේ ඇත්තට රිදිලා අමාත්‍ය ධූරය ඉවත් කරලා. සතුටුයි. කොතනවත් අපි බොරුවක් කියලා නෑ. ඇමති ධූරයෙන් අයින් වෙලා පළායන්න උත්සාහ කළේත් නෑ. හෙට පක්ෂ 11 නායකයින් රැස්වෙලා ඉදිරි ක්‍රියාමාර්ග තීරණය කරනවා.”
