10 වැනි පාර්ලිමේන්තුවට මහජන නියෝජිතයින් තෝරා පත් කරගැනීමේ ඡන්ද විමසීමේ කටයුතු අද (14) උදෑසන 07 සිට ආරම්භ වුණු අතර අද පෙරවරු 10 වන විට ඡන්දය සලකුණු කිරීමට පැමිණි ඡන්ද දායකයින්ගේ ප්‍රතිශතය ලැබී තිබෙනවා.
ඒ අනුව මෙවර එම ඡන්දය සලකුණු කිරීමේ දළ ප්‍රතිශතය ලෙස;
මුලතිව් දිස්ත්‍රික්කය – 23%
ගම්පහ දිස්ත්‍රික්කය – 20%
යාපනය දිස්ත්‍රික්කය – 16%
කළුතර දිස්ත්‍රික්කය – 20%
කිලිනොච්චිය දිස්ත්‍රික්කය – 25%
කුරුණෑගල දිස්ත්‍රික්කය – 22%
අනුරාධපුර දිස්ත්‍රික්කය – 25%
මාතලේ දිස්ත්‍රික්කය – 24%
වව්නියාව දිස්ත්‍රික්කය – 25%
ත්‍රිකුණාමලය දිස්ත්‍රික්කය – 23%
පුත්තලම දිස්ත්‍රික්කය 22% ලෙස වාර්තා වනවා.
මෙවර ලියාපදිංචි ඡන්ද දායකයින් සංඛ්‍යාව එක්කෝටි හැත්තෑ එක් ලක්ෂ හාරදහස් තුන්සිය පනස් හතරක්.
ඡන්ද මධ්‍යස්ථාන 13,314ක දී අපේක්ෂකයින් 8361 දෙනෙකු වෙනුවෙන් මෙවර මහ මැතිවරණයේ ඡන්ද විමසීමේ කටයුතු සිදු කෙරෙනවා.
අද පස්වරු 04ට ඡන්දය සලකුණු කිරීමේ කටයුතු අවසන් වන අතර ඡන්ද ගණනය කිරීමේ මධ්‍යස්ථාන 54ක දී ඡන්දය ගණන් කිරීමේ කටයුතු ඇරඹෙනු ඇති.
