කොළඹ පාරිභෝගික මිල දර්ශකය මගින් මනිනු ලබන සමස්ත උද්ධමන අනුපාතය අගෝස්තු මාසයේදී 4% දක්වා අඩු වී තිබෙනවා.
ජනලේඛන හා සංඛ්‍යාලේඛන දෙපාර්තමේන්තුව සඳහන් කළේ එය මේ වසරේ ජූලි මාසයේ වාර්තා වූ 6.3%ට අගයට වඩා අඩුවීමක් බවයි.
ආහාර උද්ධමනය ජූලි මාසයේ වාර්තා වූ -1.4% සිට අගෝස්තු මාසයේදී -4.8% දක්වා පහත වැටී තිබෙනවා.
ආහාර නොවන කාණ්ඩයේ උද්ධමනය ද ජූලි මාසයේ වාර්තා වූ 10.5% සිට අගෝස්තු මාසයේදී 8.7% දක්වා අඩු වී ඇති බවයි ජනලේඛන හා සංඛ්‍යාලේඛන දෙපාර්තමේන්තුව කියාසිටියේ.
