උතුරු පළාතේ බිම් බෝම්බ ඉවත් කිරීමේ ක්‍රියාවලියට තවත් මූල්‍ය ආධාර තොගයක් ලබාදීම වෙනුවෙන් වන ගිවිසුමක් අත්සන් කර තිබෙනවා.
අදාළ ගිවිසුම අත්සන් කිරීම සිදු කෙරුණේ මෙරට ජපාන තානාපති මිෂුකෝෂි හිඩාකි මහතාගේ ප්‍රධානත්වයෙන්.
ජපාන මුල්‍ය ආධාර යටතේ කිලාලි කපුව ආශ්‍රිත ප්‍රදේශයේ බිම් බෝම්බ ඉවත් කිරීමේ කටයුතු මේ දිනවල සිදු කෙරෙනවා.
බිම් බෝම්බ ඉවත් කිරීමේ රාජ්‍ය නොවන සංවිධානයක් වන ෂාෆ් ආයතනය හරහායි කිලාලි කලපුව සහ මුහමාලෙයි ප්‍රදේශයේ බිම් බෝම්බ ඉවත් කිරීම මේ වන විට සිදු කරනු ලබන්නේ.
උතුරු පළාතේ සංචාරයට එක්වූ ජපාන තානාපතිවරයා බිම් බෝම්බ ඉවත් කිරීමේ ක්‍රියාවලිය නිරීක්ෂණය කළ අතර, ඉදිරි වසර වෙනුවෙන් වෙනුවෙන් ඊට අවශ්‍ය මූල්‍ය ආධාර ලබාදීමට ගිවිසුම් ගතවී තිබෙනවා.
