කිම් ජොන් උන්ගේ නායකත්වය යටතේ උතුරු කොරියාව මේ වන විටත් දැඩි හා අසාමාන්‍ය නීති ක්‍රියාත්මක කරනවා.
මෝස්‌තර නිරූපනය විලාසිතා තේරීම් දක්වා මෙම දැඩි නීති ක්‍රියාත්මකවීම විශේෂත්වයක්.
උතුරු කොරියානු පාලන තන්ත්‍රය ජනප්‍රිය ගෝලීය විලාසිතා සහ රූපලාවණ්‍ය සන්නාම සඳහා තහනම් පනවා ඇති අතර, එම තහනම්වලට අනුකූල නොවන අවස්ථාවක දී දැඩි දඬුවම් ද ක්‍රියාත්මක කෙරෙනවා.
එහි නවතම නීතිය ලෙස කොමියුනිස්ට්වාදී රාජ්‍යක් වන උතුරු කොරියානු රජය රතු ලිප්ස්ටික් තහනම් කර ඇති බවයි වාර්තා වන්නේ.
රතු වර්ණය කොමියුනිස්ට්වාදය සමඟ ඓතිහාසික සම්බන්ධකම් තිබුණ ද උතුරු කොරියාව රතු ලිප්ස්ටික් තහනම් කිරීම සම්බන්ධයෙන් මේ වනවිය බොහෝ දෙනෙකුගේ අවදානය යොමුව තිබෙනවා.
කෙසේ වෙතත් උතුරු කොරියානු රජය රතු පැහැති තොල් ආලේපන සලකන්නේ ධනවාදයේ සංකේතයක් ලෙස බවත් මේ හේතුවෙන් එරට තුළ මෙම තොල් ආලේපන භාවිතය තහනම් කර ඇති බවයි වාර්තා වන්නේ.
උතුරු කොරියාව තුළ අධික වේශ නිරූපණය පිළිකුල් සහගත වන අතර, එය බටහිර බලපෑමේ සලකුණක් ලෙස ද සැලකෙනවා.
