එළඹෙන උත්සව සමයේ බිත්තරයක මිල රුපියල් 45ට අඩුවෙන් පවත්වාගෙන යෑමට බලාපොරොත්තුවන බව ශ්‍රී ලංකා සත්ව නිෂ්පාදකයින්ගේ සංගමය පවසනවා.
එම සංගමයේ සභාපති අජිත් ගුණසේකර සඳහන් කළේ කුකුල් මස් නිෂ්පාදන අතිරික්තයක් ද රට තුළ පවතින බවයි.
එමෙන්ම එළවලු මිල ඉහළ යාමත් සමඟ බිත්තර සහ කුකුල් මස්වලට විශාල ඉල්ලුමක් මේ වනවිට ඇති වී තිබෙන බවද ඔහු සඳහන් කළා.
උත්සව සමය තුළ කුකුළු මස් මිල ද රුපියල් 1200ට අඩුවෙන් පවත්වාගෙන යෑමට හැකියාව පවතින බව ද සභාපතිවරයා පවසා සිටියා.
මේ අතර හාල් නිෂ්පාදනය අඩුවීමත් සමඟ එය කුකුළු නිෂ්පාදනයට ද දැඩි ලෙස බලපා ඇති බව ඔහු වැඩිදුරටත් පවසනවා.
වී සහල් බවට පත් කිරීමේ දී සහල් නිවුඩු ලැබීම අඩුවීමත් සමඟ සත්ව ආහාර නිෂ්පාදනයට එය බලපා ඇති අතර, සුළු හා මධ්‍ය පරිමාණ ගොවිපොළවලට එමඟින් දැඩි බලපෑමක් එක්ක කිරීමට පටන්ගෙන ඇති බවයි සභාපතිවරයා මාධ්‍ය වෙත අදහස් දක්වමින් සඳහන් කළේ.
