උණුසුම් කාලගුණ තත්ත්වය පිළිබඳ කාලගුණ විද්යා දෙපාර්තමේන්තුවේ ස්වභාවික විපත් පිළිබඳ පූර්ව අනතුරු ඇඟවීමේ මධ්යස්ථානය විසින් අවවාදාත්මක නිවේදනයක් නිකුත් කර තිබෙනවා.
ඒ උතුරු මැද, නැගෙනහිර පළාත් සහ වව්නියා, මුලතිව් මෙන්ම මොනරාගල දිස්ත්රික් සඳහායි.
අදාළ නිවේදනයේ දැක්වෙන්නේ උතුරු මැද සහ නැගෙනහිර පළාත්වලත් වව්නියා මුලතිව් සහ මොනරාගල දිස්ත්රික්වලත් ඇතැම් ස්ථානවල උණුසුම් දර්ශකය එනම් මිනිස් සිරුරට දැනෙන උණුසුම අවධානය යොමු කළ යුතු මට්ටමක පවතිනු ඇතැයි අපේක්ෂා කරන බවයි.
මේ හේතුවෙන් වැඩ බිම් තුල ප්රමාණවත් ලෙස ජලය පානය කළ යුතු අතර සෙවණ ඇති ස්ථානවල හැකි පමණ විවේක ගත යුතුයි.
නිවෙස් තුල සිටින වැඩිහිටි සහ රෝගී පුද්ගලයන් පිළිබඳ සැලකිලිමත් වීම ද අත්යවශ්ය වනවා.
කුඩා ළමුන් වාහන තුල තනියම රඳවා නොයන ලෙසට ද දැනුම් දී තිබෙනවා.
එළිමහනේ අධික වෙහෙසකාරී කටයුතු සීමා කළ යුතු අතර සෙවණ ඇති ස්ථානවල රැඳෙන ලෙසටයි කාලගුණ විද්යා දෙපාර්තමේන්තුව ප්රකාශ කළේ.
එමෙන්ම ප්රමාණවත් ලෙසට ජලය පානය කළ යුතුයි. ඊට අමතරව සුදු හෝ ලා පැහැති සැහැල්ලු ඇඳුම් භාවිතා කරන ලෙසට ද දැනුම් දෙනවා.
