ගෑස් මිල ඉහළ යාමත් සමඟ බත් පැකට්ටුවක්, කොත්තු, ෆ්රයිඩ් රයිස් සහ කිරි තේ එකක මිල රුපියල් 10 කින් ඉහළ නංවන බව සමස්ත ලංකා ආපනශාලා හිමියන්ගේ සංගමය පවසනවා.
ලිට්රෝ සහ ලාෆ් ගෑස් සමාගම් ගෘහස්ථ ගෑස් මිල ඊයේ (10) මධ්යම රාත්රියේ සිට ඉහළ දමනු ලැබුවා.ඒ අනුව එම සමාගම කිලෝග්රෑම් 12.5 ගෘහස්ථ ගෑස් සිලින්ඩරයක මිල වැඩි කර ඇත්තේ රුපියල් 1257කින්.
එම ගෑස් සිලින්ඩරයක නව මිල සටහන් වන්නේ රුපියල් 2750ක් ලෙසයි. එසේම කිලෝග්රෑම් පහේ ගෑස් සිලින්ඩරයක මිල රුපියල් 503කින් ද කිලෝග්රෑම් 2.5 ගෑස් සිලින්ඩරයක මිල රුපියල් 231කින් වැඩි කර ඇති බව එම සමාගම සඳහන් කළා.
ඒ අනුව කිලෝග්රෑම් පහේ ගෑස් සිලින්ඩරයක් රුපියල් 1,101 ක් වන අතර, කිලෝග්රෑම් 2.5 හේ ගෑස් සිලින්ඩරයක මිල රුපියල් 520 ක් ලෙස සටහන් වනවා.
එමෙන්ම ලාෆ් සමාගම කිලෝග්රෑම් 12.5 හේ ගෑස් සිලින්ඩරයක මිල රුපියල් 984 කින් ඉහළ නංවනු ලැබුවා.ඒ අනුව එහි නව මිල දැක්වෙන්නේ 2,840 ක් ලෙසයි.
එසේම කිලෝග්රෑම් පහේ ගෑස් සිලින්ඩරයක මිල රුපියල් 393 කින් ඉහළ නංවා ඇති අතර, එහි නව මිල රුපියල් 1,136 ක් ලෙස සටහන් වනවා.
මේ අතර තිරිඟු පිටි සහ සිමෙන්ති මිල ගණන්ද ඉහළ දැමීමට සමාගම් තීරණය කර තිබෙනවා.
සෙරන්ඩිබ් පිටි සමාගමෙන් කළ විමසීමකදී එහි ජ්යෙෂ්ඨ ප්රකාශකයෙකු සඳහන් කළේ තිරිඟු පිටි කිලෝවක මිල අද (11) සිට ක්රියාත්මක වන පරිදි රුපියල් 10 කින් ඉහළ දැමීමට තීරණය කර ඇති බවයි.
