අයි.පී.එල්, තරගාවලියේ තවත් තියුණු තරගයක් මේ වනවිට විශාකාපට්නම් හිදී පැවැත්වෙනවා.
දිල්ලි කැපිටල්ස් සහ චෙන්නායි සූපර් කිංග්ස් අතර පැවැත්වෙන මෙම තරගයේ කාසිය වාසිය දිනූ දිල්ලි නායකයා පළමුව පන්දුවට පහරදීමට තීරණය කළා.
එහිදී දිල්ලි ඉනිම වෙනුවෙන් ප්‍රබල පිති හරඹයක නිරත වෙමින් සිටි ආරම්භක පිතිකරු ඩේවිඩ් වෝනර්ව ක්‍රීඩාගාරය වෙත හරවා යවන්නට මතීෂ පතිරණ රැකගත් සුපිරි උඩ පන්දුවත් සමඟ හැකියාව ලැබුණා.
පන්දු 32ක් තුළ ලකුණු 52ක් රැස්කරගෙන චෙන්නායි පන්දු යවන්නන්ට හිදරදයක්ව සිටි වෝනර්, මුස්තාෆිසුර් රහ්මාන් යැවූ දිල්ලි ඉනිමේ 10 වන පන්දුවාරයේ 03 වන පන්දුවට එල්ල කළ රිවර්ස් ස්කූප් පහර උඩ පන්දුවක් බවට පරිවර්ථනය කරගන්නට ශෝට් තර්ඩ්මෑන් කලාපයේ පන්දු රකිමින් සිටි මතීෂට හැකියාව ලැබුණා.
ගුවනේ පියඹා ගොස් මතීෂ රැකගත් මෙම සුපිරි උඩ පන්දුව සම්බන්ධයෙන් මේ වනවිටත් සමාජ මාධ්‍යයේ අවදානයට යොමුව තිබෙනවා.
