උඩරට දුම්රිය මාර්ගයට ගස් සමූහයක් කඩා වැටීමෙන් දුම්රිය ගමනාගමනයට බාධා එල්ල වී තිබෙනවා.
අප ප්රාදේශීය වාර්තාකරු පැවසුවේ; මෙම සිදුවීම සිදු ව ඇත්තේ; පටිට්පොළ සහ ඔහිය දුම්රිය ස්ථාන දෙක අතර බවයි.
අද (19) උදෑසන මෙම ප්රදේශයට පැවති අයහපත් කාලගුණික තත්ත්වය සමග ගස් කිහිපයක් ම දුම්රිය මාර්ගය මතට ඇද වැටී තිබෙනවා.
මේ හේතුවෙන් නානු ඔය දුම්රිය මාර්ගය ද අවහිර වී ඇති බවයි එහි ස්ථානාධිපතිවරයා සඳහන් කර ඇත්තේ.
බදුල්ල සිට කොළඹ දක්වා ධාවනය වු උඩරට මැණිකේ දුම්රිය ගස් කඩා වැටි ඇති ස්ථානයේ නතර කර ඇති බවත්, එම දුම්රියේ ගමන් ගත් මගීන් සහ දුම්රිය ආරක්ෂක අංශ නිලධාරින් එක් ව කඩා වැටුණු ගස් කිහිපයක් ඉවත් කරමින් සිටින බවත්, වාර්තාකරු පවසනවා.
දුම්රිය මාර්ග නඩත්තු අංශයේ සේවකයින් එම ස්ථානයට ළඟා වෙමින් සිටින බව ද සඳහන්.
ඔබේ ප්රතිචාරය කුමක්ද ?
+1
1
+1
+1
+1
+1
2
+1
+1
