මැදපෙරදිග අළු කරමින් ඇවිළෙන පලස්තීන – ඊශ්ර්රායල යුද්ධ දින 04කට නැවැත්වීම සම්බන්ධයෙන් වන තීරණය අද සිට ක්රියාත්මක වන බව විදෙස් මාධ්ය වාර්තා කරනවා.
ඒ අනුව අද උදෑසන 10 සිටයි මෙම දින 04ක සටන් විරාමය ක්රියාත්මක වන්නේ.
ලෝක බලවතුන් වන අමෙරිකාව, ප්රංශය සහ බ්රිතාන්යය පවා විවිධ අවස්ථාවල දී ඊශ්රායලයෙන් මෙන් ම හමාස් සංවිධානයෙන් ඉල්ලා සිටියේ දින කිහිපයකට හෝ යුද්ධය නවත්වන ලෙසටයි.
නමුත් ඊට හමාස්වරුන් එකඟත්වය පළ කෙරුණ ද, එකවර කැමැත්තක් ඊශ්රායලයෙන් හිමි වූයේ නැහැ.
නමුත් මෙම යුද්ධය දින කිහිපයකට හෝ නැවැත්වීම සම්බන්ධයෙන් ඊශ්රායලය විසින් කිසිදු නිල ප්රකාශයක් ද මෙතෙක් සිදු කර නොමැති බවයි BBC පුවත් සේවය පැවසුවේ.
කෙසේවෙතත් ඊයේ දිනයේ දී හමාස් සංවිධානය විසින් ඔවුන්ගේ ග්රහණයේ සිටින ඊශ්රායල ප්රාණ ඇපකරුවන් මුදා හැරීමේ තීරණය ප්රමාද කර තිබෙනවා.
ඊශ්රායල විදේශ අමාත්ය එලී කොහේන් පවසා ඇත්තේ හමාස් සංවිධානය විසින් හෙට දිනයේ දී හෝ සිය පළමු ප්රාණ ඇපකරුවන් කණ්ඩායම නිදහස් කරනු ඇතැයි සිය රාජ්යය බලාපොරොත්තු වන බවයි.
ඊශ්රායල සහ හමාස් සංවිධානය අතර අද පෙරවරුවේ දී දින 04ක සටන් විරාමය සම්බන්ධයෙන් වන නිල එකඟතාව ප්රකාශයට පත් කර තිබෙනවා.
මෙම පියවර යටතේ ඊශ්රායලය ද තමන් රඳවා සිටින ප්රාණ ඇපකරුවන් 150 දෙනෙකු නිදහස් කිරීමට නියමිත වුවත්; එය සිකුරාදා දිනයට පෙර සිදු නොවන බවයි වාර්තා වන්නේ.
මෙම ප්රාණ ඇපකරු ලැයිස්තුවේ බොහෝ සිටින්නේ කාන්තාවන් සහ කුඩා ළමුන් බව ද පැවසෙනවා.
ඊශ්රායල ජාතික ආරක්ෂක කවුන්සිලය නිවේදනයක් නිකුත් කරමින් කියා සිටියේ පළමු ප්රාණ ඇපකරුවන් පිරිස නිදහස් කිරීමේ සාකච්ඡා තවමත් සිදු කෙරෙමින් පවතින බවයි.
එය දෙපාර්ශ්වයේ ම පූර්ණ එකඟතාවක් මත සිදු වන්නක් බවට ද වාර්තා වනවා.
කෙසේවෙතත් ප්රාණ ඇපකරුවන් නිදහස් කිරීම ප්රමාද වීම ගැන මෙතෙක් නිල ප්රකාශයක් සිදු ව නොමැති බවත්; නමුත් ඊට දෙපාර්ශ්වය ම කැමැත්ත පළ කර ඇති බවයි එක්සත් ජනපද ජාතික ආරක්ෂක කවුන්සිලය නිවේදනය කළේ.
