මෙවර ඉන්දීය ප්රිමියර් ලීග් තරගාවලියේ දිල්ලි කැපිටල්ස් කණ්ඩායම නියෝජනය කරන ඕස්ට්රේලියානු ප්රවේගකාරී පිතිකරු ඩේවිඩ් වෝනර් විස්සයි විස්ස පිටියේ නව වාර්තාවක් පිහිටුවීමට ඊයේ රාත්රියේ පැවති තරගයේදී සමත් වුණා.
ඒ විස්සයි විස්ස තරග ඉතිහාසය තුළ වැඩිම අර්ධ ශතක සංඛ්යාවක් රැස්කළ පිතිකරුවා බවට පත්වෙමින්.
වෝනර් මේ වනවිට පන්දුවාර විස්සයි විස්ස පිටිය තුළ වැඩිම අර්ධ ශතක ලාභීන් අතර මුල්තැන පසුවන්නේ සිය පිත්තෙන් අර්ධ ශතක 89ක් රැස්කර ගනිමින්.
විස්සයි විස්ස තරග ඉතිහාසය තුළ වැඩිම අර්ධ ශතක රැස්කළ පිතිකරුවන් අතර දෙවන තැන බටහිර ඉන්දීය කොදෙව් ක්රීඩක ක්රිස් ගේල් පසුවනවා.
ඒ අනුව ඔහු රැස්කරගෙන ඇති අර්ධ ශතක සංඛ්යාව 88ක්.
මෙහි තෙවන තැන ඉන්දීය පිතිකරු විරාට් කෝලී පසුවන්නේ විස්සයි විස්ස පිටිය තුළ අර්ධ ශතක 77ක් රැස්කර ගනිමින්.
සන් රයිසස් හයිද්රාබාද් කණ්ඩායම සමග ඊයේ රාත්රියේ පැවති තරගයේදී ඩේවිඩ් වෝනර් නොදැවී ලකුණු 92ක් රැස් කළේ පන්දු 58කට මුහුණ දෙමින්.
