ඉරානය සමඟ ඇති කරගත් තාවකාලික ගිවිසුම අවසන් වී ඇති බව ඇමරිකානු ජනාධිපති ඩොනල්ඩ් ට්රම්ප් පවසනවා.
තුර්කියේ පැවති නේටෝ සමුළුවක දී එක්සත් ජනපද ජනාධිපතිවරයා මේ බව සඳහන් කළා.
කෙසේ වෙතත් දිගටම සාකච්ඡා කිරීමට තමන් අවසර දී ඇති බව ට්රම්ප් ජනධිපතිවරයා මෙහිදී සඳහන් කර සිටියා.
එක්සත් ජනපද නියෝජිතයන්ට ඉරානය සමඟ දිගටම සාකච්ඡා කළ හැකි වුවත්, ඉන් සාර්ථක ප්රතිඵලයක් ලැබෙයිද යන්න ගැන තමන්ට සැකයක් ඇති බව ට්රම්ප් වැඩිදුරටත් මෙහිදී පවසා සිටියේ.
මේ අතර ට්රම්ප් සටන් විරාමය ‘අවසන්’ බව ප්රකාශ කිරීමෙන් පසු ලෝක වෙළඳපොළේ තෙල් මිල නැවතත් ඉහළ ගොස් තිබෙනවා.
ඒ අනුව මෙතෙක් ඇමරිකානු ඩොලර් 60 – 70 අතර අගයන්වල පැවති තෙල් බැරලයක මිල, මේ වනවිට ඩොලර් 80 ආසන්නයට පැමිණ තිබෙනවා.
එය තවදුරටත් ඉහළ යා හැකි බවයි වෙළඳපොළ විශ්ලේෂකයින් පවසන්නේ.
ඉරානය විසින් ඊයේ හෝර්මුස් සමුද්ර සන්ධියේ තෙල් ටැංකි තුනකට එල්ල කාලා ප්රහාරවලින් පසු, ඉරාන ඉලක්ක 80 කට වැඩි ගණනකට ප්රහාර එල්ල කිරීමට කටයුතු කළ බවයි එක්සත් ජනපදය පවසන්නේ.
