ඉරානය විසින් යළිත් හෝමූස් සමුද්ර සන්ධිය වසා දැමීමට පියවර ගෙන තිබෙනවා.
ඒ, අනුව ඉරානයේ ඉස්ලාමීය විප්ලවවාදී ආරක්ෂක බලකාය සඳහන් කර ඇත්තේ, නැවත දැනුම්දෙන තුරු මුහුදු මාර්ගය වසා තැබෙන බවයි.
සයිප්රස් ධජය සහිත බහාලුම් නෞකාවක් වන GFS Galaxy සමුද්ර සන්ධිය හරහා “අනවසර මාර්ගයක්” භාවිත කිරීම හේතුවෙන් පහරදීමෙන් පසු ඉරානය මෙම තීරණාත්මක තෙල් වෙළඳ මාර්ගය වසා දමන බවයි ඉස්ලාමීය විප්ලවවාදී ආරක්ෂක බලකාය වැඩිදුරටත් පවසන්නේ.
ලෝකයේ තෙල් සැපයුමෙන් 20% ක් පමණ ගලා යන හෝමූස් සමුද්ර සන්ධිය නැවත දැනුම් දෙන තුරු සහ මෙම කලාපයේ එක්සත් ජනපද මැදිහත්වීම අවසන් වන තෙක් එය වසා දමන බවයි ඉරානයේ ඉස්ලාමීය විප්ලවවාදී ආරක්ෂක බලකාය අවධාරණය කර ඇත්තේ.
මේ අතර ඉරානය එම නෞකාවට පහරදීමෙන් අනතුරුව ඊට ප්රතිචාර වශයෙන් එක්සත් ජනපද හමුදාව සෙනසුරාදා ඉරානයට එරෙහිව තුන්වන වටයේ ප්රහාර දියත් කළ බවයි එක්සත් ජනපද මධ්යම අණදෙන නිලධාරියා පවසන්නේ.
මෙම ප්රහාරයන්ට පිළිතුරු ලබා දෙමින් ඉරානය සඳහන් කර ඇත්තේ, එක්සත් ජනපදය විසින් එල්ල කරන ප්රහාරවලට ප්රති ප්රහාර දියත් කරන බවත් එහිදී කලාපයේ ඇති නව ඇමරිකානු කඳවුරුද ඉලක්ක කරන බවයි.
