ඉරාන රජයට සහය පළ කරමින් සංවිධානය කර තිබූ රැළියකට, අධික වේගයෙන් ධාවනය වූ මෝටර් රථයක් කඩා වැදීමෙන් ඊයේ (01) අනතුරක් සිදුව තිබෙනවා.
අනතුරින් පුද්ගලයන් සිව්දෙනෙක් ජීවිතක්ෂයට පත්වී ඇති අතර තවත් පුද්ගලයන් දසදෙනෙකු තුවාල ලබා ඇති බවයි විදෙස් මාධ්ය වාර්තා කරන්නේ.
මෙම මෝටර් රථය අධික වේගයෙන් පැමිණ එක් වාහනයක ගැටී, පාලනයෙන් ගිලිහී ගොස්, අනතුරුව ආරක්ෂක වැටවල් සහ රථවාහන සංඥා පුවරුවලද ගැටී, පසුව මෙම පිරිස වෙත කඩා වැදුණු බව, අදාළ සිදුවීම සිදුවූ ප්රදේශයේ ප්රධාන රථවාහන පොලිස් ප්රධානීවරයා පවසා ඇති බවයි විදෙස් මාධ්ය වාර්තා කරන්නේ.
මෙම සිදුවීම සම්බන්ධයෙන් එහි ගමන් ගත රියදුරු එරට පොලිසිය විසින් අත්අඩංගුවට ගෙන ඇති බව විදෙස් මාධ්ය පවසනවා.
මෙම සිදුවීම පිටුපස දේශපාලන චේතනාවක් ඇති බවට කිසිදු සාක්ෂියක් නොමැති අතර, බලධාරීන් මෙය රථවාහන අනතුරක් බවට ප්රකාශ කර ඇති බවයි විදෙස් මාධ්ය පවසන්නේ.
