එංගලන්තයේ හිටපු ක්‍රිකට් ක්‍රීඩකයෙකු සහ පුහුණුකරුවෙකු වන ඉයන් බෙල් ශ්‍රී ලංකා ක්‍රිකට් කණ්ඩායමේ සහාය කාර්ය මණ්ඩලය සඳහා එක්වීමට නියමිත බවට තොරතුරු වාර්තා වනවා.
ඒ, අනුව ශ්‍රී ලංකා කණ්ඩායමේ එළඹෙන එංගලන්ත සංචාරයේ දී ඔහු කණ්ඩායම සමඟ එක්වන බවයි තොරතුරු වාර්තා වුණේ.
ශ්‍රී ලංකා ජාතික කණ්ඩායමේ තාවකාලික ප්‍රධාන පුහුණුකරු ලෙස කටයුතු කරන සනත් ජයසූරියගේ ඉල්ලීම පරිදි ඉයන් බෙල් මෙලස කණ්ඩායම සමඟ එක්වන බව සඳහන්.
තරග තුනකින් සමන්විත ටෙස්ට් තරගාවලියක් සඳහා ශ්‍රී ලංකා කණ්ඩායම එංගලන්තයේ සංචාරය කිරීමට නියමිත අතර, ටෙස්ට් ශූරතාවලිය යටතේ මෙම තරගාවලිය පැවැත්වෙනවා.
