දූෂණ චෝදනා සම්බන්ධයෙන් පාකිස්තාන අධිකරණයක් විසින් නිකුත් කරනු ලැබූ හිටපු අගමැති ඉම්රාන් ඛාන් අත්අඩංගුවට ගැනීමේ වරෙන්තුව අවලංගු කර ඇති බව ඔහුගේ නීතිඥවරයා පවසනවා.
ෆයිසාල් ෆරීඩ් චෞද්රි විදෙස් මාධ්ය වෙත පැවසුවේ ඉස්ලාමාබාද් අධිකරණය නඩු විභාගය කල් තැබූ අතර මාර්තු 30 වන දින මීළඟ නඩු විභාගයේදී ඔහුගේ පැමිණීම සහතික කරන ලෙස හිටපු අගමැතිවරයාට උපදෙස් දී ඇති බවයි.
ඛාන් අධිකරණයේ පෙනී සිටීම නිල වශයෙන් තහවුරු කිරීමෙන් පසුව වරෙන්තු අවලංගු කරන තිබෙනවා.
හිටපු අගමැතිවරයා ගේ මෝටර් රථය සෙනසුරාදා උසාවි පරිශ්රයේ ගේට්ටුව වෙත ළඟා වූයේ පොලිසිය සහ පකිස්ථාන ටෙහ්රීක්-ඊ-ඉන්සාෆ් (පීටීඅයි) පක්ෂයේ ආධාරකරුවන් අතර ගැටුම් අතරතුරදී යි.
ඉම්රාන් ඛාන් උසාවියෙන් පිටත ඔහුගේ වාහනයේ සිටි අතර, උසාවියට ඇතුළු වීමට උත්සාහ කර තිබුණා.
කෙසේ වෙතත්, පොලිසිය ඔහුට උසාවියට ඇතුළුවීම සීමා කිරීමට උත්සාහ ගත් අතර ඔහුගේ පාක්ෂිකයන්ට එරෙහිව කුරිරු බලයක් භාවිතා කළ බවටයි නීතිඥයන් ප්රකාශ කර ඇත්තේ.
ඊයේ දහවල් ලාහෝර්හි පොලිසිය ඉම්රාන් ඛාන්ගේ නිවසට කඩා වැදීම හමුවේ ආධාරකරුවන් සමඟ ගැටුමක් ද ඇති වුණා.
එහිදී 60කට වැඩි පිරිසක් අත්අඩංගුවට ගත් බවයි පාකිස්ථාන පොලිසිය පවසන්නේ.
වැටලීම සඳහා බර යන්ත්ර සූත්ර සහ ජල ප්රහාරක රථ සමඟින් පොලිස් භට පිරිසක් පැමිණ සිටිය අතර පොලිසිය දොඹකර භාවිතා කරමින් නිවසේ ප්රධාන ගේට්ටුව කඩාගෙන ගොස් තිබෙනවා.
ඉන් අනතුරුව ඔවුන් නිවසට ඇතුළු වීමට විරෝධය පාමින් සිටි පාක්ෂිකයන්ට බැටන් ප්රහාරයක් එල්ල කරන අයුරු වීඩියෝ දර්ශනවල දැක් වෙනවා.
ඛාන් මෙම වැටලීම හෙළා දකින අතර ඔහුගේ බිරිඳ එම අවස්ථාවේ නිවසේ තනිව සිටි බවයි ඔහු ප්රකාශ කළේ.
බුෂ්රා බෙගම් තනිව සිටින සමන් උද්යානයේ මගේ නිවසට පන්ජාබ් පොලිසිය ප්රහාරයක් එල්ල කර ඇත,” “මොන නීතියක් යටතේද මුන් මෙහෙම කරන්නේ? ”
“මම විනාඩි 15 ක් උසාවියෙන් පිටත හිටියා,” මම මගේ උපරිමයෙන් අධිකරණයට ඇතුළු වීමට උත්සාහ කරනවා, නමුත් පොලිසිය කඳුළු ගෑස් ප්රහාර එල්ල කර, බාධක සහ බහාලුම් තබා තිබෙනවා. මම උසාවියට ඇතුළු වෙනවාට ඔවුන් කැමති නොමැති බව පෙනේ. ”
ඛාන්ට එරෙහි දූෂණ නඩුව පකිස්ථානයේ මැතිවරණ කොමිසම විසිනුයි පනවා ඇත්තේ.
2018 වසරේ සිට 2022 දක්වා ඔහු අග්රාමාත්යවරයා ලෙස කටයුතු කළ කාලයේ ලැබුණු ත්යාග හෝ ඒවා විකිණීමෙන් ලැබූ ලාභය ප්රකාශ නොකළ බවට මැතිවරණ කොමිසම ඔහුට චෝදනා කර තිබෙනවා.
ඛාන් එම චෝදනා ප්රතික්ෂේප කර ඇති අතර ඒවා දේශපාලනික චෝදනා ලෙසටයි පෙන්වා දී ඇත්තේ.
