පාකිස්ථානයේ හිටපු අග්රාමාත්ය ඉම්රාන් ඛාන්ගේ ආධාරකරුවන් හා පොලිසිය අතර ගැටුම් හටගෙන ඇති බව විදෙස් මාධ්ය වාර්තා කරනවා.
පාකිස්ථානයේ ඉස්ලාමාබාද් අගනුවර පැවති විරෝධතාවක් අතරතුරදී මෙම ගැටුම් හටගෙන ඇති අතර හිටපු අග්රාමාත්ය ඉම්රාන් ඛාන්ට සහාය පළකරමින් දැවැන්ත විරෝධතාවක් සංවිධායන කර තිබුණා.
විරෝධතාකරුවන් විසුරුවා හැරීමට පොලිසිය කදුළු ගෑස් හා ජල ප්රහාර එල්ල කළ බව වාර්තා වනවා.
ඉස්ලාමාබාද් අගනුවර ජංගම දුරකතන භාවිත කළ නොහැකි වන සේ සංඥා පද්ධති අවහිර කිරීමට ද ආරක්ෂක අංශ කටයුතු කර ඇති බවයි විදෙස් මාධ්ය තවදුරටත් වාර්තාකර සිටින්නේ.
එම විරෝධතාකරුවන්ට නගරයට ඇතුළුවීමට නොහැකිවන සේ බහාලුම් යොදා මාර්ගය අවහිර කර තිබුණ ද ඔවුන් ඒවා ඉවත්කරමින් නගරයට ඇතුළු වී ඇති බව සඳහන්.
