ත්රිකුණාමලය අයි.ඕ.සී. ඉන්ධන ගබඩා පර්යන්තයේ සිට හපුතලේ තෙල් ගබඩාවට ඩීසල් ලීටර් 33000ක් රැගෙන පැමිණි බවුසරයක් අද (11) උදෑසන හපුතලේ ප්රදේශයේ දී අනතුරකට ලක්ව තිබෙනවා.
බවුසර් රථය මාර්ගය ලිස්සා ගොස් පෙරළී ඇති බවයි පොලිසිය පැවසුවේ.
රථය අනතුරට ලක්වීමෙන් පසු ඉන් වෑහෙන ඉන්ධන ප්රදේශවාසීන් විසින් පොරකමින් භාජනවලට ලබාගන්නා බවයි වාර්තා වුණේ.
අනතුරින් බවුසර් රථයේ රියදුරු තුවාල ලබා දියතලාව මූලික රෝහලට ඇතුළත් කර ඇති අතර ඔහුගේ තත්වය බරපතළ නොවන බවයි වාර්තා වන්නේ.
බවුසරයේ ඉතිරිව ඇති ඩීසල් වෙනත් බවුසරයකට ලබාගැනීමට අවශ්ය කටයුතු යොදා ඇතැයි පොලිසිය වැඩි දුරටත් සඳහන් කළා.
