අනවසරයෙන් ඉන්ධන තොග රැස්කරගෙන අලෙවි කරන පුද්ගලයින් සොයා අද (22) සිට දිවයින පුරා විශේෂ පොලිස් මෙහෙයුම් ක්රියාත්මක කරන බව පොලිස් මාධ්ය ප්රකාශක ජ්යෙෂ්ඨ පොලිස් අධිකාරි නිහාල් තල්දූව සඳහන් කළා.
මේ අතර කොලොන්නාව තෙල් ගබඩා පර්යන්තයෙන් තෙල් පිට කිරීමේ දී ඒවා සමඟ ම අදාළ ඉන්ධන තොග ඇනවුම් කළ ගබඩා කළමනාකරුවන් වෙත ද ස්වංක්රීයව නිකුත් කෙරෙන කෙටි පණිවිඩ සේවාවක් ආරම්භ කර ඇති බව බලශක්ති අමාත්ය කංචන විජේසේකර පවසනවා.
ට්විටර් පණිවිඩයක් නිකුත් කරමින් අමාත්යවරයා මේ බව දන්වා ඇති අතර ඊයේ (21) පැවති මාධ්ය හමුවකදී ද අමාත්යවරයා මේ බව සඳහන් කර සිටියා.
ඒ අනුව අදාළ ඉන්ධනහල්වල කළමනාකරුවන්ට තමන්ගේ තෙල් තොග ලැබෙන වේලාව පැහැදිලිව එම කෙටි පණිවුඩය මඟින් දැනගත හැකි වනවා.
මෙම ක්රමය මඟින් ඉන්ධන ලබා ගැනීමට පෝලිම්වල රැඳී සිටින පුද්ගලයින්ට සහ ඉන්ධන ලබාගැනීමට බලාපොරොත්තුවෙන් සිටින පුද්ගලයින්ට වඩාත් නිවැරදිව තොරතුරු ලබාදීමේ හැකියාව මින් ඉදිරියට සිදුවන බවයි අමාත්යවරයා වැඩිදුරටත් පැවසුවේ.
මේ අතර ඉදිරි දින 10 ඇතුළත තවත් ඩීසල් නෞකා දෙකක් සහ පෙට්රල් නෞකාවක් මෙරටට පැමිණීමට නියමිතව තිබෙනවා.
wpDiscuz
