Rajapura Handi Oil
Rajapura Diabetic Powder

ඉන්දු – බංගලි තීරණාත්මක ටෙස්ට් තරගයේ අවසන් දිනය හෙටයි

ඉන්දියාවට එරෙහිව පැවැත්වෙන දෙවැනි ටෙස්ට් තරගයේ සිව්වැනි දිනය අද (30) නිමාවන විට සිය දෙවැනි ඉනිම පිතිකරණයේ යෙදෙන බංග්ලාදේශ කණ්ඩායම කඩුලු 02ක් දැවී ලකුණු 26ක් ලබා සිටිනවා.

තරගයේ කාසියේ වාසිය දිනූ ඉන්දීය කණ්ඩායම පළමු ව පන්දුවට පහරදීම සඳහා සිය සත්කාරකයින්ට ඇරයුම් කළ අතර බංග්ලාදේශ කණ්ඩායම පළමු ඉනිමට සියල්ලන් ම දැවී ලකුණු 233ක් ලබා ගත්තා.

එහිදී විශිෂ්ට ඉනිමක් ක්‍රීඩා කළ Mominul Haque නොදැවී ලකුණු 107ක් රැස් කළා.

බංග්ලාදේශයේ කඩුලු බිඳ දැමීමේ දී ඉන්දීය පන්දු බලඇණියේ ජස්ප්‍රිට් බුම්‍රා කඩුලු 03ක් ද, රවිචන්ද්‍රන් අශ්වින්, මොහොමඩ් සිරාජ්, ආකාශ් ඩීප් කඩුලු 02ක බැගින් බිඳ හෙලුවා.

එක් කඩුල්ලක් හිමි වූයේ ජඩේජාටයි.

ඉන් අනතුරුව සිය පළමු ඉනිමට ලකුණු රැස් කිරීම ඇරඹි ඉන්දීය කණ්ඩායම කඩුලු 09ක් දැවී ලකුණු 285ක් ලබා සිටියදී ඉනිම අත්හිටුවන්නට තීරණය කළා.

ඒ බංග්ලාදේශයට වඩා ලකුණු 52ක් පමණක් ඉදිරියෙන් සිටිමින්.

හෙට (01) තරගයේ අවසන් දිනය වන අතර හෙට තරගය ජය ගැනීම ඉන්දීය කණ්ඩායමට ලෝක ටෙස්ට් ශූරතා තරගාවලියේ සිය ස්ථානය රැකගැනීම වෙනුවෙන් තීරණාත්මක වනු ඇති.

තෙවැනි කඩුල්ලට බංග්ලාදේශය වෙනුවෙන් පිටියෙහි රැඳී සිටින්නේ; Shadman Islam
සමගින් Mominul Haque ‍යි.