ඉන්දු ගඟෙන් ජල බිඳුවක්වත් පාකිස්තානයට නොයන බවට ඉන්දියාව සහතික කරන බව ඉන්දීය මධ්‍යම ජල ශක්ති අමාත්‍ය සී.ආර්. පටිල් පවසනවා.
ඉන්දීය ස්වදේශ කටයුතු අමාත්‍ය අමිත් ෂාගේ නිවසේ ඊයේ (25) පැවති රැස්වීමකින් පසුව ජල ශක්ති අමාත්‍යවරයා මේ බව සඳහන් කර තිබෙනවා.
ඉන්දු ජල ගිවිසුම සම්බන්ධයෙන් රජය ගත් ඓතිහාසික තීරණය සම්පූර්ණයෙන්ම යුක්ති සහගත සහ ජාතික අවශ්‍යතාවයට අනුකූල බවත්, ඉන්දු ගඟෙන් වතුර බිඳුවක්වත් පාකිස්තානයට නොයන බවට අපි සහතිකවන බවයි අමාත්‍යවරයා වැඩිදුරටත් පවසා ඇත්තේ.
පුද්ගලයින් 26 දෙනෙක් ජීවිතක්ෂයට පත්කරමින් ජම්මු සහ කාශ්මීරයේ පහල්ගම් සංචාර ප්‍රදේශයට එල්ල වූ ත්‍රස්ත ප්‍රහාරයෙන් පසු ඉන්දියාව ගත් පියවර මාලාවක කොටසක් ලෙස 1960 ඉන්දු ජල ගිවිසුම අත්හිටුවීමට මෝදි රජය පසුගිය බදාදා තීරණය කළා.
ඉන්පසු ජල ශක්ති අමාත්‍යාංශය බ්‍රහස්පතින්දා පාකිස්තානයේ ජල සම්පත් අමාත්‍යාංශයේ ලේකම් සයිඩ් අලි මුර්තුසා වෙත ලිපියක් යවමින් එම තීරණය දැනුම්දෙනු ලැබුවා.
ඉන්දියාවේ ඊළඟ පියවර පිළිබඳව සවිස්තරාත්මක සැලැස්මක් අමිත් ෂාගේ නිවසේ පැවති රැස්වීමේදී සාකච්ඡා කර ඇති අතර, ගිවිසුම අත්හිටුවීම ක්‍රියාත්මක කිරීම වහාම ආරම්භ කිරීමට තීරණය කළ බවත් වාර්තා වනවා.
වතුර දෙන්න පව්
අම්මපා කපිල උඹට මොලයක් නැද්ද බං