මෙවර එක්දින ලෝක කුසලාන තරගාවලිය වෙනුවෙන් නම් කළ ඉන්දීය සංචිතයේ වෙනස්කමක් සිදුකර තිබෙනවා.
ඒ, අනුව ලෝක කුසලාන සංචිත වෙනුවෙන් නම්කර සිටි දඟ පන්දු යවන ක්රීඩක අක්සාර් පටෙල් ඉවත්කර ඇති අතර ඔහු වෙනුවට රවිචන්ද්රන් අශ්වින් සංචිතයට කැඳවා ඇති බවයි වාර්තා වන්නේ.
ආසියානු කුසලානයේ දී ආබාධයකට ලක් වූ අක්සාර් පටෙල් නියමිත කාලයට යථා තත්ත්වයට පත් වීමට අපොහොසත්වීම හේතුවෙන් ඔහුව මෙලෙස ලෝක කුසලාන සංචිතයෙන් අවසන් මොහොතේ ඉවත්කර ඇති බව සඳහන්.
ඕස්ට්රේලියාව සමඟ නිමා වූ එක්දින තරගාවලියේ දී යළි තම රිද්මය මැනවින් හඳුනාගත් රවිචන්ද්රන් අශ්වින් ඒ අනුව සංචිතයට කැඳවා තිබෙනවා.
මේ අතර ලෝක කුසලානයට නම්කර තිබූ ඕස්ට්රේලියානු සංචිතයේ ද වෙනස්කමක් සිදුකරන්නට අවසන් මොහොතේ කටයුතු කර ඇති බව වාර්තා වනවා.
ඕස්ට්රේලියානු සංචිතයට නම්කර සිටි දඟ පන්දු යවන ක්රීඩක ඇෂ්ටන් ඒගාර් ආබාධයකට ලක්වීමත් සමඟයි එම සංචිතයේ මෙම වෙනස්කම සිදුකර ඇත්තේ.
ඒ, අනුව ඇෂ්ටන් ඒගාර්ගේ ඉවත්වීමත් සමඟ මෙවර ලෝක කුසලාන සංචිතයේ ඉඩක් නොලැබ සිටි මාර්නස් ලැබුස්චේන්ට සංචිතයට එක්වීමට අවස්ථාව උදා වී තිබෙනවා.
ඉන්දියාව සමඟ අවසන් වූ තරග තුනකින් සමන්විත එක්දින තරගාවලියේ අවසන් එක්දින තරගයේ දී ලකුණු අතරට පැමිණීමට මාර්නස් ලැබුස්චේන්ට හැකියාව ලැබුණා.
ලෝක කුසලානයට සහභාගී වන සියලුම රටවල් සැප්තැම්බර් 28 එනම් අද දිනට පෙර ඔවුන්ගේ අවසන් සංචිතය ICC වෙත ඉදිරිපත් කළ යුතු වනවා.
මේ අතර මෙවර තරගාවලියේ පහුණු තරග හෙට (29) දිනයේ සිට ආරම්භ වනවා.
