බොහෝ කාලයක් තිස්සේ බලා සිටි ඉන්දියා – අමෙරිකානු අතුරු වෙළඳ ගිවිසුම ජූලි 8 වන දින වන විට ප්රකාශයට පත් කළ හැකි බව ආරංචි මාර්ග සඳහන් කරන අතර, සියලු කොන්දේසි දෙපාර්ශ්වයම එකඟ වී ඇති බව වාර්තා වනවා.
ප්රධාන සාකච්ඡාකරු සහ වාණිජ දෙපාර්තමේන්තුවේ විශේෂ ලේකම් රාජේෂ් අග්රවාල්ගේ නායකත්වයෙන් යුත් ඉන්දියානු කණ්ඩායමක් සාකච්ඡා අවසන් කිරීම සඳහා වොෂින්ටනයට පැමිණ ඇති බවයි වාර්තා වන්නේ.
ලොව පුරා රටවල් සඳහා අන්යෝන්ය තීරුබදු පැනවීම සඳහා ට්රම්ප්ගේ අවසාන දිනය ජූලි 9 වන දිනෙන් අවසන් වන බැවින් මෙම ගනුදෙනුව පැමිණෙන්නේ කාලෝචිත වේලාවක ය.
වෙළඳ පරතරය පියවීම සඳහා ට්රම්ප් විසින් අප්රේල් 2 වන දින ප්රකාශයට පත් කරන ලද ඉන්දියානු ආනයන සඳහා සියයට 26 ක බදු ජූලි 9 දක්වා අත්හිටුවා තිබෙනවා.
සියයට 10 ක මූලික තීරුබදු තවමත් පවතිනවා.
ඉන්දියාව අතිරේක සියයට 26 ක තීරුබදු වලින් සම්පූර්ණ නිදහස් කිරීමක් ඉල්ලා සිටිනවා.
මෙම වසරේ ඔක්තෝබර් වන විට ද්විපාර්ශ්වික වෙළඳ ගිවිසුමක (BTA) බහු-ආංශික, පුළුල් පළමු අදියර සඳහා දෙපාර්ශ්වයම කටයුතු කරමින් සිටිනවා.
මෑතකදී, ට්රම්ප් ඉන්දියාව සමඟ කටයුතු කිරීමේදී ප්රධාන වෙළඳ ගිවිසුමක් පිළිබඳව නැවත නැවතත් ඉඟි කර තිබෙනවා.
පසුගිය සතියේ ඔහු පැවසුවේ ඔහුගේ පරිපාලනය සියලු වෙළඳ බාධක ඉවත් කිරීමට බලාපොරොත්තු වන බවත්ය.
ඉන්දියාව සහ අමෙරිකා එක්සත් ජනපදය අතර වෙළඳ ගිවිසුම ප්රධාන වශයෙන් කෘෂිකර්මාන්තය, මෝටර් රථ, කාර්මික භාණ්ඩ සහ ශ්රම-අධික නිෂ්පාදන වැනි ප්රධාන අංශ කෙරෙහි අවධානය යොමු කරනවා.
කෘෂිකර්මාන්තය සහ කිරි නිෂ්පාදන අංශ යනු ඉන්දියාවට ඇමරිකා එක්සත් ජනපදයට තීරුබදු සහන ලබා දීමට දුෂ්කර හා අභියෝගාත්මක ක්ෂේත්ර වනවා.
ඉන්දියාව මෙතෙක් අත්සන් කර ඇති කිසිදු නිදහස් වෙළඳ ගිවිසුමක කිරි නිෂ්පාදන විවෘත කර නැහැ.
යෝජිත වෙළඳ ගිවිසුමේ රෙදිපිළි, මැණික් හා ස්වර්ණාභරණ, සම් භාණ්ඩ, ඇඟලුම්, ප්ලාස්ටික්, රසායනික ද්රව්ය, ඉස්සන්, තෙල් බීජ, මිදි සහ කෙසෙල් වැනි ශ්රම-අධික අංශ සඳහා ඉන්දියාව තීරුබදු සහන අපේක්ෂා කරනවා.
