ඉන්දුනීසියානු පාලනාධිකාරියට විරෝධය පාමින් එරට වැසියන් පසුගිය දිනවල අඛණ්ඩ විරෝධතාවයන්ගේ නිරත වුණා.
වෘතිකයන්ගේ වැටුප් අවම මට්ටමක පවතින බව සහ එරට දේශපාලකයන් නඩත්තුව සඳහා අධික මුදලක් වැයවන බව චෝදනා කරමින් විරෝධතාකරුවන් පාලන අධිකාරියට විරුද්ධව නැගී සිටියා.
එම විරෝධතා අතරතුර ජකර්තාහිදී පොලිස් රථ වාහනකට යට වීමෙන් තරුණයෙක් මියයාමේ පුවතක් පසුගිය දා විදෙස් මාධ්‍ය වාර්තා කළා.
පසුව එම තරුණයා ජිවිතක්ෂයට පත්වීම සම්බන්ධයෙන් විරෝධකරුවන් පොලිසිය වෙතට දැඩි විරෝධතාවයක් පළ කරමින් විරෝධතාවයේ නිරත වූ අතර ඉන්දුනීසියානු ජනාධිපති ප්‍රබෝවෝ සුබියන්ටෝ ද එම සිදුවීම සම්බන්ධයෙන් තම ශෝකය පළ කර තිබුණා.
කෙසේ වෙතත් එම මියගිය තරුණයාට යුක්තිය ඉෂ්ඨ කරන ලෙස ඉල්ලමින් එරට ජනතාව දක්වන විරෝධතාවය මේ වන විට දැඩි තීව්‍ර වෙමින් පවතින බවයි වාර්තා වන්නේ.
විරෝධතාවයේ නියතු පිරිස් විසින් නැගෙනහිර ඉන්දුනීසියාවේ පිහිටි නගර සභා ගොඩනැගිල්ලකට ගිනි තබා ඇති අතර එම ගිනි ගැනීමෙන් පුද්ගලයන් තිදෙනෙක් ජිවිතක්ෂයට පත්ව ඇති බව වාර්තා වනවා.
ආණ්ඩුව විසින් විරෝධතා නවත්වන ලෙසට ජනතාවගෙන් ඉල්ලා සිටියත් දිගින් දිගටම ඉන්දුනීසියාවේ විරෝධතා ක්‍රියාත්මක බවයි විදෙස් මාධ්‍ය වාර්තා කරන්නේ.
