ඉන්දීය ක්රිකට් පාලක මණ්ඩලය (BCCI) විසින් විස්සයි විස්ස නායකත්ව වෙනසක් සිදුකිරීමට සූදානම් වන බවට තොරතුරු වාර්තා වනවා.
ඒ, අනුව ඉන්දීය විස්සයි විස්ස කණ්ඩයමේ නායකත්වය දරණ සූර්යකුමාර් යාදව් වෙනුවට නායකත්වයට ශ්රෙයාස් අයියර් පත් කිරීමට සූදානම් බවයි ඉන්දීය මාධ්ය තොරතුරු වාර්තා කරන්නේ.
සූර්යකුමාර් යාදව් 2026 විස්සයි විස්ස ලෝක කුසලානය දිනාගැනීමට ඉන්දියාව මෙහෙයවුවද, මේ වනවිට ක්රියාත්මක අයි.පී.එල් තරගාවලිය තුළ දී පන්ජාබ් කිංග්ස් කණ්ඩායමේ නායකත්වය දරමින් ශ්රෙයාස් අයියර් දක්වා ඇති දක්ෂතා මත ඔහුව නායකත්වයට පත් කිරීමට අජිත් අගාර්කර්ගේ නායකත්වයෙන් යුත් තේරීම් කමිටුව සලකා බලමින් සිටින බවයි තොරතුරු වාර්තා වන්නේ.
මේ අතර රෝහිත් ෂර්මා විශ්රාම ගැනීමෙන් පසු ඉන්දීය නායකයා ලෙස පත්වීමෙන් පසු සූර්යකුමාර් තවමත් එකදු විස්සයි විස්ස තරගාවලියක්වත් පරාජය වී නොමැති අතර, ශ්රෙයාස් වසර දෙකකට වැඩි කාලයක් ජාත්යන්තර විස්සයි විස්ස තරගයක් ක්රීඩා කර නැහැ.
මේ අතර අයි.පී .එල් තරඟාවලියෙන් පසු අයර්ලන්තයේ සහ එංගලන්තයේ සංචාරයන් සඳහා ඉන්දියාවේ විස්සයි විස්ස සංචිතයට නවක තරුණ ක්රීඩකයින් එක්කරගැනීමට ඉන්දීය ක්රිකට් පාලක මණ්ඩලය බලාපොරොත්තු වන බවට ද තොරතුරු වාර්තා වනවා.
