ඉන්දීය නාවික හමුදා සබ්මැරීනයක් කොළඹ වරායට (ඡායාරූප)

ඉන්දීය නාවික හමුදාවට අයත් ‘INS Karanj’ සබ්මැරීනය නිල සංචාරයක් සඳහා අද (03) උදෑසන කොළඹ වරායට සේන්දු වුණා.

‘INS Karanj’ සබ්මැරීනයේ අණදෙන නිලධාරියා ලෙස කොමාණ්ඩර් අරුනාබ් කටයුතු කරනවා.

මෙම සබ්මැරීනයේ නැව් මුළුව 53 දෙනෙකුගෙන සමන්විත වන අතර, ඔවුන් මෙරට රැඳී සිටින කාලය අතර තුර දිවයිනේ වැදගත් ස්ථාන කිහිපයක සංචාරය කිරීමට නියමිතයි.

ඊට අමතරව සබ්මැරීනය මෙරට රැඳී සිටින කාලය තුළ එහි මෙහෙයුම් ක්‍රියාකාරීත්වය පිළිබඳව දැනුවත් කිරීමේ වැඩසටහනක් ද පැවැත්වීමට නියමිතව තිබෙනවා.

නිල සංචාරය අවසන් කරමින් ‘INS Karanj’ සබ්මැරීනය ලබන 05 වනදා දිවයිනෙන් පිටව යන බවයි වාර්තා වුණේ.