ඉන්දීය ධීවරයින් ශ්රී ලංකා මුහුදු සීමාවට ඇතුල්වීම වැළැක්වීම සහ ධීවර කටයුතුවල යෙදීම වැළැක්වීමට අවශ්ය සියලු අවශ්යතා සපුරා ඇති බව ධීවර, ජලජ සම්පත් හා සාගර සම්පත් අමාත්ය රාමලිංගම් චන්ද්රසේකර් පවසනවා.
ඊයේ (29) යාපනය- ඩෙල්ෆ් දූපතේ සංචාරයක යෙදීමෙන් පසු ධීවරයින් හමු වී අමාත්යවරයා මේ බව කියා සිටියා.
මෙහිදී මෙරට ධීවරයින් අමාත්යවරයාට පෙන්වා දුන්නේ ඉන්දීය ධීවරයින් සිය මුහුදු සීමාවේ ධීවර කටයුතුවල නිරත වීම තම ජීවනෝපායට දැඩි බලපෑම් එල්ල කර ඇති බවයි.
ඉන්දීය ධීවරයින් අනවසරයෙන් ඇතුළුවීම වැළැක්වීම සඳහා ස්ථිර ආරක්ෂක යාන්ත්රණයක් අවශ්ය බව ද මෙරට ධීවරයින් අමාත්යවරයාට පෙන්වා දුන්නා.
ඒ සම්බන්ධයෙන් සුදුසු යාන්ත්රණයක් සකසන බවයි රාමලිංගම් අමාත්යවරයා වැඩිදුරටත් කියා සිටියේ.
මීට අමතර ව අමාත්යවරයා නෙදුන්තීව් ජනතාව සමඟ සාකච්ඡාවල ද නිරත වූ අතර මෙම කාලය තුළ නෙදුන්තීව් දූපත සංවර්ධනය කිරීම සහ සංචාරක අංශයේ සංවර්ධනය කෙරෙහි ද අවධානය යොමු කර ඇති බව අමාත්යවරයා ප්රදේශවාසීන්ට දැනුම්දුන්නා.
