ඉන්දීය ආර්ථිකයේ ලොකු පිම්මක්

ඉන්දීය ආර්ථිකය මේ වසරේ දී ලොව වේගයෙන්ම වර්ධනය වන ප්‍රධාන ආර්ථිකය ලෙස පවතිනු ඇතැයි අන්තර්ජාතික මූල්‍ය අරමුදල පුරෝකථනය කර තිබෙනවා.

එහි ජූලි 2024 ලෝක ආර්ථික ඉදිරි දැක්මට අනුව, ඉන්දියාවේ සැබෑ දළ දේශීය නිෂ්පාදිතය මේ වසරේ සියයට 7 දක්වා ළඟා වනු ඇතැයි අපේක්ෂා කෙරනවා.

ගෝලීය ආර්ථික ප්‍රවණතා පිළිබඳ ප්‍රධාන දර්ශකයක් වන IMF වාර්තාව පෙන්වා දෙන්නේ ඉන්දියාව මේ වසරේ සැබෑ දළ දේශීය නිෂ්පාදිතයේ වර්ධනයෙන් එක්සත් ජනපදය සහ චීනය යන දෙකම අභිබවා යන බවයි.

එක්සත් ජනපදය සියයට 2.6 කින් වර්ධනය වනු ඇතැයි පුරෝකථනය කර ඇති අතර චීනය සියයට 5 කින් පුළුල් වනු ඇතැයි අපේක්ෂා කෙරෙනවා.

2022 සහ 2023 දී සමාන සාර්ථකත්වයක් අත්කර ගනිමින් ඉන්දියාව මෙම ප්‍රධාන ආර්ථිකයන් දෙක අභිබවා ගියේ අඛණ්ඩව තුන්වැනි වසරටයි.

වර්ධනයේ ප්‍රක්ෂේපිත මන්දගාමිත්වයක් තිබියදීත්, ඉන්දියාව ලෝකයේ වේගයෙන්ම වර්ධනය වන විශාල ආර්ථිකය ලෙස සිය ස්ථාවරය පවත්වා ගනු ඇතැයි අපේක්ෂා කෙරෙනවා.

ලෝක බැංකුවේ නවතම Global Economic Prospects වාර්තාව පුරෝකථනය කරන්නේ 2024 දී ඉන්දියාවේ ආර්ථිකය සියයට 6.6 කින් ප්‍රසාරණය වනු ඇති බවයි.

මෙම වර්ධනය දකුණු ආසියාව ගෝලීය වශයෙන් වේගයෙන්ම වර්ධනය වන කලාපය බවට පත්වීමට ද පොළඹවනවා.

වසර තුනක පසුබෑමෙන් පසු 2024 දී ගෝලීය ආර්ථික වර්ධනය සියයට 2.6ක ස්ථාවර වනු ඇතැයි ලෝක බැංකු වාර්තාව පවසනවා.

චීනයේ ආර්ථික වර්ධනය සියයට 5.2 සිට සියයට 4.8 දක්වා අඩු වනු ඇතැයි අපේක්ෂා කරන අතර, දේපළ අංශයේ පවතින අභියෝග, දුර්වල සිල්ලර විකුණුම් සහ ව්‍යාපාරික හැඟීම් පහත වැටීමට බලපායි.

ඉන්දුනීසියාව සහ වියට්නාමය පිළිවෙළින් සියයට 5 සහ සියයට 5.5 ක වර්ධන පුරෝකථනයන් සමඟ කලාපයේ කැපී පෙනෙන කාර්ය සාධනයක් ඇති බවට පුරෝකථනය කරනවා.

මේ වසරේ ගෝලීය උද්ධමනය සියයට 3.5 ක සාමාන්‍යයක් වනු ඇතැයි අපේක්ෂා කරන බව ලෝක බැංකුව සඳහන් කරනවා.

පොලී අනුපාත ලොව පුරා ඉහළ මට්ටමක පවතිනු ඇති අතර එය සංවර්ධනය වෙමින් පවතින ආර්ථිකයන්ට අභියෝගයක් බව ද ලෝක බැංකුව පවසනවා.