ඉන්දුනීසියාව සහ ඉන්දියාව බ්රහ්මෝස් කෲස් මිසයිල පද්ධතිය පිළිබඳ ගිවිසුමක් අත්සන් කර ඇති බව ඉන්දුනීසියානු ජනාධිපති මන්දිරය අද (07) ඔවුන්ගේ නායකයින් දෙදෙනාගේ හමුවකින් පසුව පැවසුවා.
2023 වසරෙන් පසු අග්නිදිග ආසියානු රටට ඔහු කළ පළමු සංචාරය වන ඉන්දුනීසියානු දෙදින සංචාරයේ කොටසක් ලෙස ඉන්දීය අගමැති නරේන්ද්ර මෝදි ජනාධිපති ප්රබෝවෝ සුබියන්ටෝ හමුවුණා.
එමෙන්ම ඉන්දුනීසියාවේ ආරක්ෂක පෞද්ගලික හිමිකාර සමාගමක් වන රිපබ්ලිකෝර්ප් සහ ඉන්දියාව පදනම් කරගත් ආරක්ෂක සමාගමක් වන භාරත් ඩයිනමික්ස්, ගුවනින් ගුවනට මිසයිල පිළිබඳ ගිවිසුමක් අත්සන් කළ බව ජනාධිපති මන්දිරය නිවේදනය කළා.
තීරණාත්මක ඛනිජ සහ වානේ මෙන්ම කෘෂිකර්මාන්තයේ සැපයුම් දාම ශක්තිමත් කිරීම සඳහා ද දෙරට අවබෝධතා ගිවිසුම් අත්සන් කළා.
“අපි ලෝකයේ විශාලතම ප්රජාතන්ත්රවාදී රටවල් දෙකකි,” ප්රබෝවෝ ද්විපාර්ශ්වික සාකච්ඡාවලින් පසුව පැවසුවා.
ඔහු වැඩිදුරටත් පැවසුවේ ඉන්දියාව සහ ඉන්දුනීසියාව වෙළඳ ගිවිසුම් සාකච්ඡා වේගවත් කරනු ඇති බවයි.
ඉන්දියානු සාගරයේ සමුද්රීය ආරක්ෂාව ප්රවර්ධනය කිරීම සඳහා දෙරට කටයුතු කරන බව මෝදි සඳහන් කළා.
මෝදි හෙට (08) ඕස්ට්රේලියාව සහ නවසීලන්තය බලා පිටත්ව යාමට නියමිතයි.
