ඉන්දියා – ශ්‍රී ලංකා මගී යාත්‍රා සේවය ඇරඹෙයි – ඉන්දියාවට යන්න රුපියල් 15000ක්?

ශ්‍රී ලංකාව සහ ඉන්දියාව අතර මගී යාත්‍රා සේවය අගෝස්තු 16 වැනිදා සිට යළිත් ක්‍රියාත්මක කෙරුණා.

වාර්තා වන පරිදි; එම මගී යාත්‍රා සේවයේ ප්‍රවේශ පත්‍ර අද (19) රාත්‍රියේ සිට වෙන් කිරීමට නියමිත බව එම යාත්‍රා සේවයේ මෙහෙයුම්කරු වන IndSri Ferry Service පුද්ගලික සමාගම පවසන්නේ.

නිවේදනයක් නිකුත් කරමින් එම සමාගම පවසන්නේ මෙම මගී යාත්‍රා සේවය සඳහා ප්‍රවේශපත්‍ර වෙන්කිරීම ඔන්ලයින් මාර්ගයෙන් සිදු කළ හැකි බවයි.

ඒ අනුව http://sailindsri.com/ වෙත පිවිස මගීන්ට මගී යාත්‍රා සේවයෙන් ප්‍රවේශ පත්‍ර වෙන්කරවා ගත හැකි බව ද ඔවුන් නිවේදනය කරනවා.

ශ්‍රී ලංකාවේ කන්කසන්තුරේ සහ තමිල්නාඩුවේ නාගපට්නම් අතර මෙම මගී යාත්‍රා සේවය ක්‍රියාත්මක කිරීමට නියමිතයි.

තමිල්නාඩුවේ නාගපට්ටිනම් සිට යාපනය අසල කන්කසන්තුරේ වරායට සම්බන්ධ කරන සෘජු මගී යාත්‍රා සේවයේ මුහුදු තත්ත්වයට අනුව ආසන්න වශයෙන් පැය තුනහමාරකින් කිලෝමීටර 111ක (නාවික සැතපුම් 60) ක දුරක් ආවරණය කෙරෙනවා.

මැයි මාසයේදී, නාගපට්නම් සිට කන්කසන්තුරේ දක්වා එක් පැත්තක ගමණක් සඳහා ප්‍රවේශපත්‍ර ගාස්තුව USD 50 සහ බදු අයත්(ආසන්න වශයෙන් රුපියල් 15,000 ක්) වන බවයි තොරතුරු වාර්තා වන්නේ.