මෙම සතියේ අමෙරිකාවේ වොෂින්ටනයට වෙත ගිය ඉන්දීය දූත පිරිස සහ එක්සත් ජනපද නිලධාරීන් අතර “ඵලදායී සහ ධනාත්මක සාකච්ඡා” පැවැත්වූ අතර, වෙළඳපොළ ප්රවේශය, තීරුබදු නොවන පියවර සහ වෙළඳාමට තාක්ෂණික බාධක සැලකිල්ලට ගත් කරුණු අතර ඇති බව ඉන්දියාවේ වෙළඳ අමාත්යාංශය නිවේදනය කර තිබෙනවා.
දෙරට අතර අන්තර්කාලීන වෙළඳ ගිවිසුම අවසන් කිරීම සහ පුළුල් වෙළඳ ගිවිසුම පිළිබඳ සාකච්ඡා ඉදිරියට ගෙන යෑම සඳහා ඉන්දීය නියෝජිතයන් පිරිසක් එක්සත් ජනපදයේ සංචාරය කළා.
ඉන්දියාව සහ ඇමරිකා එක්සත් ජනපදය අන්යෝන්ය තීරුබදු සහ අන්යෝන්ය වශයෙන් වාසිදායක වෙළඳාමට අදාළ අතුරු ගිවිසුමක් සඳහා වන රාමුවකට පසුගිය පෙබරවාරි මාසයේදී එකඟතාව පළ කර තිබුණා.
එම අතුරු ගිවිසුම අත්සන් කිරීමට නියමිතව තිබුණේ මාර්තු මාසයේදී.
නමුත් එක්සත් ජනපද ජනාධිපති ඩොනල්ඩ් ට්රම්ප් පනවා තිබූ අන්යෝන්ය තීරුබදු එක්සත් ජනපද ශ්රේෂ්ඨාධිකරණය විසින් අවලංගු කිරීමෙන් පසුව ගිවිසුම ප්රමාද වුණා.
පෙබරවාරි මාසයේදී එකඟ වූ රාමුව මත පුළුල් ද්විපාර්ශ්වික වෙළඳ ගිවිසුමක් සාක්ෂාත් කර ගැනීම සඳහා දෙරට මේ වන විට උත්සාහ කරනවා.
