දෙපාර්ශ්වයේ භට පිරිස් ඉන්දු – චීන දේශ සීමාවේදී ගැටුම් ඇති කර ගැනීමෙන් පසු මේ වන විට දේශසීමාවේ තත්ත්වය සාමාන්යයෙන් ස්ථාවර බව චීන විදේශ අමාත්යාංශයේ ප්රකාශක වැන්ග් වෙන්බින් පැවසූ බව රොයිටර් පුවත් සේවය වාර්තා කරනවා.
ඉන්දීය හමුදාව විසින් පසුගියදා ප්රකාශයක් නිකුත් කරමින් කියා සිටියේ මහජන විමුක්ති හමුදා භටයින් ඉන්දු-චීන දේශ සීමාවේ ටවාන්ග් කොටසේ සැබෑ පාලන රේඛාව ආශ්රිත ප්රදේශය හා සම්බන්ධ වූ අතර එය ඉන්දියානු හමුදා විසින් ස්ථිරව පාලනය කළ බවයි.
මෙම ගැටුමෙන් දෙපාර්ශවයේම කිහිප දෙනෙකුට සුළු තුවාල සිදුව තිබුණා.
ඉන්දීය පාර්ලිමේන්තුව වන ලෝක් සභාවේදී අදහස් දක්වමින් එරට ආරක්ෂක අමාත්ය රාජ්නාත් සිං කියා සිටියේ දෙසැම්බර් 9 වනදා අරුණාචල් ප්රදේශ්හි ටවාන්ග් කොටසේ පැවති ගැටුමේදී චීන හමුදා රටේ භූමිය ආක්රමණය කිරීම නැවතූ ක්රියාවලියේ දී කිසිදු ඉන්දීය භටයෙකු මිය ගොස් හෝ බරපතල තුවාල ලබා හෝ නොමැති බවයි.
මෙම ගැටුමේදී දෙපාර්ශවයේම සොල්දාදුවන් කිහිප දෙනෙකුට තුවාල සිදු වූ බවත් ඉන්දීය කිසිදු සොල්දාදුවෙකු මිය ගොස් හෝ බරපතල තුවාල ලබා හෝ නොමැති බවත් සිං ප්රකාශ කළා.
ඔහු වැඩිදුරටත් පැවසුවේ ඉන්දීය හමුදා ප්රධානීන්ගේ කාලෝචිත මැදිහත්වීම හේතුවෙන් චීන සොල්දාදුවන් ඔවුන්ගේම ස්ථානවලට පසු බැස ඇති බවයි.
“මෙම කාරණය රාජ්ය තාන්ත්රික මට්ටමින් චීනයට ඉදිරිපත් කර තිබෙනවා.අපගේ හමුදා අපගේ දේශසීමා ආරක්ෂා කිරීමට කැපවී සිටින බවත් එයට අභියෝග කිරීමට ගන්නා ඕනෑම උත්සාහයක් ව්යර්ථ කිරීමට සූදානම් බවත් මට සභාවට සහතික වීමට අවශ්යයි,” රාජ්නාත් සිං ඉන්දීය පාර්ලිමේන්තුව හමුවේ ප්රකාශ කළා.
