2023 ක්‍රිකට් එක්දින ලෝක කුසලාන තරගාවලියේ තවත් තීරණාත්මක තරගයක් අද (22) ධර්මශාලා හිදී පැවැත්වෙනවා.
තරගාවලියේ මේ වනවිට ප්‍රසාද ලකුණු සටහනේ මුල් ස්ථාන දෙකේ රැඳී සිටින නවසීලන්තය සහ ඉන්දියාව මෙම තරගයේ දී මුණගැසෙනවා.
මේ අතර මෙම තරගය කාසියේ වාසිය හිමිකර ගැනීමට ඉන්දීය නායක රෝහිත් ශර්මා සමත් වුණා.
ඒ, අනුව ඉන්දීය නායකයා තීරණය කළේ ධර්මශාලා තණතීරුවේ පළමුව පන්දු යැවීමටයි.
අද තරගය පැවැත්වෙන ධර්මශාලා තණතීරුව දඟ පන්දු යවන්නන්ට තරමක් වාසිදායක වනු ඇති බවයි වාර්තා වුණේ.
මෙම තරගය සඳහා ආබාධයකට ලක්වූ ඉන්දීය තුන් ඉරියව් ක්‍රීඩක හර්දික් පාණ්ඩ්‍යා එක්‌ නොවන අතර, ඔහු වෙනුවට අද තරගය සඳහා සූර්යකුමාර් යාදව් කණ්ඩායමට කැඳවා තිබෙනවා.
මීට අමතරව ඉන්දීය කණ්ඩායමේ තවත් වෙනස්කමක් සිදුකර ඇති අතර වේග පන්දු යවන ක්‍රීඩක ෂර්දුල් තාකූර් වෙනුවට වේග පන්දු යවන ක්‍රීඩක මොහොමඩ් ෂාමි එක්කර ඇති බවයි වාර්තා වුණේ.
මේ අතර නවසීලන්ත කණ්ඩායම මෙහෙයවීමේ වගකීම මෙම තරගයේදීත් පැවරී ඇත්තේ ටොම් ලේතම් හටයි.
නවසීලන්ත කණ්ඩායමේ කිසිඳු වෙනසක් සිදු නොවන අතර, මීට පෙර තරගය සඳහා ක්‍රීඩා කළ ජයග්‍රාහී කණ්ඩායම ම අද තරගයට එක්වනවා.
