ඉන්දියාව කොවිඩ් 19 එන්නත් වැඩසටහන ආරම්භ කර ජනවාරි 16 වන දිනට වසර දෙකක් සම්පූර්ණ කර තිබෙනවා.
එරට වාර්තා පවසන්නේ මෙම වසර දෙක තුළ දේශීයව ලබා දී ඇති කොවිඩ් 19 එන්නත් මාත්‍රා ගණන කෝටි 220කට වඩා වැඩි බවයි.
තවත් මාත්‍රා කෝටි 29ක් ඉන්දියාව අපනයනය කර තිබෙනවා.
එරට වාර්තා පවසන්නේ ඉන්දියාවේ එන්නත් වැඩසටහන් කාර්ය සාධනය ත්‍රිත්ව-A ශ්‍රේණිගත කිරීමකට වඩා අඩු නොමැති බවයි.
ත්‍රිත්ව-ඒ ශ්‍රේණිගත කිරීමක් හිමි වන්නේ එන්නත්වල පවතින සුලබතාව සහ දැරිය හැකි බව මත පදනම්වයි.
2020 දී ලෝකය ප්‍රථම වරට කොවිඩ් වසංගතයට නිරාවරණය වූ විට, මුල් ගෝලීය වෛද්‍ය සම්මුතිය වූයේ කොවිඩ් -19 ඇති කරන වෛරසයට එරෙහි එන්නත් මගින් පමණක් මරණ හා බලපෑමවලින් යම් තරමක ආරක්ෂාවක් ලබා ගත හැකි බවයි. එහිදී ගැටලුවක් වී තිබුණේ සෑම රටකටම, විශේෂයෙන්ම සම්පත් සීමා සහිත රටවලට, ප්‍රමාණවත් එන්නත් ප්‍රමාණයක් ලබා ගත හැකිද යන්නයි.
එන්නත් වාණිජමය වශයෙන් ලබා ගත හැකි නම් රටක් ගෙවිය යුතු මිල ,එහි සුලබතාව සහ ප්‍රවේශය පාලනය කිරීම මගින් විශාල ව්‍යාපාරික අවස්ථාවක් උදා වීම යන කරුණු මේ ඔස්සේ මතු වූ තවත් ගැටලුවක්.ලාභ ඉපයීමේ චේතනාව,එන්නත්වල දැරිය හැකි මිල වෙනස් කිරීමට කිරීමටද හේතුවක් වුණා. ඉන්දියාවේ මේ වැඩසටහන සාර්ථකවීමට හේතුවී තිබුණේ ලබා ගැනීමේ හැකියාව, ප්‍රවේශය සහ දැරිය හැකි මිල යන තුනම ලබා දීමට රට සමත් වීම මතයි.
ඉන්දියාවේ සෙරම් ආයතනය ඇස්ට්‍රාසෙනෙකා එන්නත විශාල වශයෙන් නිෂ්පාදනය කර තිබුණා. භාරත් බයෝටෙක් ආයතන විසින් එන්නත් නිෂ්පාදනය කර තිබුණේ දේශීය අවශ්‍යතාව වෙනුවෙන්.
එසේම සිය ත්‍රිත්ව-ඒ ජයග්‍රහණය මුදුන් පමුණුවා ගැනීම වෙනුවෙන් ඉන්දියාව එන්නත් මෛත්‍රී වැඩසටහනක් ද ක්‍රියාත්මක කළා.
එසේම සිය ත්‍රිත්ව-ඒ ජයග්‍රහණය මුදුන් පමුණුවා ගැනීම වෙනුවෙන් ඉන්දියාව මෛත්‍රී නමින් එන්නත් වැඩසටහනක් ද ක්‍රියාත්මක කළා.
