ඉන්දියාවේ, උත්තර් ප්රදේශ් හි රෝහලක නව ළදරු දැඩිසත්කාර ඒකකයය ඊයේ (15) පස්වරුවේ ගින්නක් හටහෙන තිබෙනවා.
මෙම ගින්නේ අලුත උපන් බිළිඳුන් 10 දෙනෙකු ජීවිතක්ෂයට පත්ව ඇති බවයි ඉන්දීය මාධ්ය වාර්තා සඳහන් කළේ.
ඊයේ පස්වරුවේ එම ඒකකයේ ගින්න හට ගැනීමෙන් පසු ගිනි නිවන හමුදාවේ නිලධාරීන් එම ස්ථානයට පැමිණීමට පෙර, වෛද්යවරුන් සහ කාර්ය මණ්ඩලය දුමෙන් පිරුණු වාට්ටුවේ ජනෙල් කඩා එහි සිටි බිළිඳුන් ඉවත්කර ගැනීමට කටයුතු කර තිබෙනවා.
ගින්න හටගත් අවස්ථාවේ දී එම ඒකකය තුළ බිළිඳුන් 54 දෙනෙකු ප්රතිකාර ලබමින් සිට ඇති අතර, ඉන් 44 දෙනෙක් බේරාගැනීමට හැකිව ඇති බවයි තොරතුරු වාර්තා වුණේ.
ගින්නට හසු වී ජීවිතක්ෂයට පත් වූ බිළිඳුන් 10 දෙනාගෙන් 07 දෙනෙකු හඳුනාගෙන ඇති බවයි වාර්තා වන්නේ.
වාට්ටුවේ සිටි කාර්ය මණ්ඩලය පවසන්නේ රාත්රී 10.35ට පමණ මෙම ගින්න හටගත් බවයි.
