චීනය සහ පේරු රාජ්යය ‘එක් තීරයක් එක් මාවතක්’ වැඩපිළිවෙළ ඒකාබද්ධව ගොඩනැගීම සංකේතවත් කරමින් ඉදි කෙරුණු Chancay වරාය ව්යාපෘතිය විවෘත කර තිබෙනවා.
පේරු හි මුතුන් මිත්තන් වන ඉන්කාවරු විසින් මීට වසර 500 කට පමණ පෙර, ඇන්ඩීස් කඳු ආශ්රිතව එහි උතුරු හා දකුණු කලාප හරහා ඉදිකළ Inca Trail පැරණි මාර්ගයට නව ජීවයක් ලබා දෙමින් ඉදි වුණු මෙම නව Chancay වරාය, පේරු රාජ්යයේ සංවර්ධනයට මහත් වූ දායකත්වයක් ලබා දෙනු ඇති බවයි පැවසෙන්නේ.
මෙම වරාය හරහා චීනය සහ ලතින් අමෙරිකානු කලාපය හරහා වෙළඳ කාර්යක්ෂමතාව සැලකිය යුතු ලෙස වැඩිදියුණු කරමින් පේරු සහ අනෙකුත් ලතින් ඇමරිකානු රටවලට ද භාණ්ඩ ප්රවාහනය පහසුවෙන් සිදු කිරීමට හැකියාව ලැබීම විශේෂත්වයයි.
Chancay වරාය පර්යන්තය විවෘත කිරීමේ උත්සවයට චීන ජනාධිපති ෂී ජින් පිං මහතා සහ පේරු රාජ්යයේ ජනාධිපතිනි Dina Boluarte මහත්මිය එක් වූයේ වීඩියෝ තාක්ශණය ඔස්සේයි.
මෙවර එපෙක් සමුළුවට සමගාමීව පේරු රාජ්යයේ නිල සංචාරයක නිරත වෙමින් මෙම ඓතිහාසික අවස්ථාවට ද ෂී ජින්පිං මහතා එක් වූයේ චීන ජනපති ධුරයට තේරී පත්වීමෙන් පසු පේරු රාජ්යයේ සිදුකරනු ලබන තුන්වැනි නිල සංචාරය සනිටුහන් කරමින්.
වත්මන් Chancay වරාය “නව යුගයේ Inca Trail” සඳහා නව ආරම්භක ලක්ෂ්යයක් බවට පත්වෙමින් පවතින බව ජනාධිපති ෂී ජින් පිං මහතා එහිදී සඳහන් කළා.
රාජ්ය නායකයින් දෙපළ Chancay වරාය විවෘත කිරීමේ උත්සවයට සහභාගි වීම, මෙවර සංචාරයේ ප්රධාන ජයග්රහණයක් සහ විශේෂත්වයක් බවට පත් වූ අතර එයින් දෙරටෙහි ජනතාව අතර පවතින සදාකාලික මිත්රත්වය තවදුරටත් තහවුරු කිරීමක් වනු ඇති.
Chancay වරාය විවෘත කිරීම මෙන්ම දෙරට අතර නිදහස් වෙළඳ ගිවිසුම වැඩිදියුණු කිරීම දක්වාත්, අධ්යාපනය, සංස්කෘතිය, සංචාරක සහ තවත් ක්ෂේත්ර රැසක සාකච්ඡා සමඟින් බහුපාර්ශ්වික සහයෝගීතාව වෙනුවෙන් පෙනී සිටීම දක්වාත්, චීන ජනාධිපතිවරයාගේ මෙම සංචාරය, පේරු රාජ්ය වෙනුවෙන් ප්රතිඵල රැසක් අත් කර දීම විශේෂත්වයකි.
එමෙන්ම චීන ජනපතිගේ මෙම සංචාරය හරහා චීන-පේරු දෙරටේ සාම්ප්රදායික මිත්රත්වය තහවුරු කොට අන්යෝන්ය ප්රතිලාභ පුළුල් කර ඇති බවත්, චීන-ලතින් ඇමරිකානු සහයෝගීතා සහ ‘ගෝලීය දකුණේ’ සංවර්ධනයට හා පුනර්ජීවනයට නව ජවයක් එම ලබා දී ඇති බවත් චීන වාර්තාවල සඳහන්.
